ദുബായ്: ബൗളിംഗ് മികവുകൊണ്ട് ഇന്ത്യൻ ക്രിക്കറ്റ് ടീമിലെ സൂപ്പ‌ർ താരമാണ് ജസ്പ്രീത് ബുംറ. മികച്ച ബൗളർ എന്നതിനേക്കാൾ ബുംറയുടെ ബൗളിഗ് ആക്ഷനാണ് ക്രിക്കറ്റ് ആരാധകർക്കിടയിൽ ഏറെ ശ്രദ്ധ നേടിയിട്ടുള്ളത്. ഇപ്പോഴിതാ സ്വന്തം ബൗളിഗ് ആക്ഷനല്ലാതെ മറ്റു ചില ആക്ഷനുകൾ പരീക്ഷിച്ചു നോക്കുകയാണ് താരം.
മുംബയ് ഇന്ത്യൻ പരിശീലന ക്യാംപിൽ വച്ചാണ് ബുംറ ഒന്നിൽ കൂടുതൽ ബൗളിംഗ് ആക്ഷനുകൾ പരീക്ഷിച്ചുനോക്കിയത്. ഈ വീഡിയോ മുംബയ് ഇന്ത്യൻസ് സോഷ്യൽ മീഡിയയിൽ പങ്കുവയ്‌ക്കുകയും ചെയ്‌തു. ബുംറ പരീക്ഷിച്ചുനോക്കുന്ന ബൗളിംഗ് ആക്ഷനുകൾ ഏതെല്ലാം താരങ്ങളുടേതാണെന്ന് കണ്ടെത്താൻ സാധിക്കുമോ ? എന്ന ചോദ്യത്തോടെയാണ് മുംബയ് ഇന്ത്യൻസ് ഈ വീഡിയോ പങ്കുവച്ചിരിക്കുന്നത്.
മുനാഫ് പട്ടേൽ, ഗ്ലെൻ മഗ്രാത്ത്, മിച്ചൽ സ്റ്റാർക്ക്, കേദാർ ജാദവ്, ശ്രേയസ് ഗോപാൽ, അനിൽ കുംബ്ലെ എന്നിവരുടെ ശൈലിയാണു ബുംറ കാണിക്കുന്നത് എന്നാണു ഭൂരിഭാഗം കമന്റുകളും. അഞ്ചുമാസത്തിന് ശേഷം ഇതാദ്യമായാണ് ബുംറ ഫീൽഡിൽ ഇറങ്ങുന്നത്.
📹 Can you guess all 6️⃣ bowlers Boom is trying to imitate? 🤔
— Mumbai Indians (@mipaltan) September 7, 2020
PS: Wait for the bonus round 😉 #OneFamily #MumbaiIndians #MI #Dream11IPL @Jaspritbumrah93 pic.twitter.com/RMBlzeI6Rw