കിഴക്കമ്പലം: ചേട്ടൻ എ എസ് ഐ,അനിയൻ സീനിയർ സിവിൽ പൊലീസ് ഓഫീസർ. പിതാവിന്റെ സഹോദരന്റെ മകനും പൊലീസുകാരൻ. തടിയിട്ടപറമ്പ് സ്റ്റേഷനിലാണ് ഈ അപൂവ്വ കുടുംബ സംഗമം ! എ.എസ്.ഐ വി.എസ് അബൂബക്കറും സഹോദരൻ വി.എസ്.ഷിഹാബും​ ഇബ്രാഹിം കുട്ടി എന്നിവരാണ് തടിയിട്ടപ്പറമ്പ് സ്റ്റേഷനിൽ ഒന്നിച്ച് ജോലി ചെയ്യുന്നത്.

മൂവരും സ്റ്റേഷനിലെ സീനിയർ സിവിൽ പൊലീസ് ഓഫീസർമാരായിരുന്നു. അടുത്തിടെയാണ് അബൂബക്കറിന് സ്ഥാനക്കയ​റ്റം കിട്ടിയത്. ഒരേ സ്റ്റേഷനിൽ ജോലിചെയ്യാൻ സാധിച്ചത് നിമിത്തമായാണ് മൂവരും കാണുന്നത്. ചേലക്കുളം വെള്ളേക്കാട്ട് സുലൈമാന്റെയും ബീവിയുടെയും മക്കളാണ് അബൂബക്കറും ഷിഹാബും. തീർന്നില്ല മൂവരും കലാ-സംസ്കാരിക രംഗത്തും തിളക്കമാർന്ന നേട്ടം കൈവരിച്ചു. അബൂബക്കർ 2019ലെ സംസ്ഥാന പൊലീസ് മീറ്റിലെ ചെസ് ചാമ്പ്യനാണ്. അനുജൻ ഷിഹാബ് പ്രൊഫഷണൽ പാട്ടുകാരനും, മറ്റൊരനുജൻ ഇബ്രാഹിം പൊലീസ് നാടക വിഭാഗത്തിലെ അഭിനേതാവുമാണ്.