മുംബയ്:ശിവസേനയുമായുളള വിഷയത്തിൽ നടി കങ്കണ റാവത്തിന് പിന്തുണയുമായി തമിഴ് നടൻ വിശാൽ. തെറ്റ് കണ്ടാൽ സർക്കാരിനെതിരെ പ്രതികരിക്കുന്നവർക്കുളള മികച്ച ഉദാഹരണമാണ് കങ്കണയെന്ന് വിശാൽ പറഞ്ഞു. കങ്കണയെ ഭഗത് സിംഗിനോട് ഉപമിച്ചാണ് വിശാല്‍ തന്റെ ട്വീറ്റിൽ ഇക്കാര്യം വ്യക്തമാക്കിയത്.
'നിങ്ങളുടെ ധൈര്യത്തിന് പ്രണാമം. എന്താണ് ശരി, എന്താണ് തെറ്റ് എന്ന് പറയാന്‍ നിങ്ങള്‍ രണ്ട് വട്ടം ആലോചിച്ചിട്ടുണ്ടാകില്ല. ഇത് നിങ്ങളുടെ വ്യക്തിപരമായ പ്രശ്‌നം മാത്രമല്ല. സര്‍ക്കാരിൽ നിന്നും എതിർപ്പ് നേരിട്ടപ്പോള്‍ പോലും ശക്തമായി നിങ്ങൾ അതിനെ നേരിട്ടു. 1920കളില്‍ ഭഗത് സിംഗ് ചെയ്തതിന് തുല്യമാണ് നിങ്ങളുടെ പ്രവർത്തി'- വിശാല്‍ ട്വിറ്റിൽ കുറിച്ചു.
മുംബയ് പാക്അധീനിവേശ കശ്മീരാണെന്ന കങ്കണയുടെ പ്രസ്താവനയാണ് ശിവസേനയെ പ്രകോപിപ്പിച്ചത്. തുടര്‍ന്ന് നടിക്കെതിരെ ശിവസേന രംഗത്തെത്തുകയും ചെയ്തു. ശിവസേന നേതാവ് സ‌‌ഞ്ജയ് റാവത്തുമായി പരസ്യവെല്ലുവിളിയുണ്ടായതോടെ പ്രശ്നങ്ങൾ കൂടുതൽ വഷളാവുകയായിരുന്നു.
Dear @KanganaTeam pic.twitter.com/73BY631Kkx
— Vishal (@VishalKOfficial) September 10, 2020