കൊച്ചി: കേരളാ കോൺഗ്രസിന്റെ തിരഞ്ഞെടുപ്പ് ചിഹ്നം രണ്ടില ജോസ് കെ മാണിക്ക് അനുവദിച്ച തിരഞ്ഞെടുപ്പ് കമ്മീഷൻ വിധിക്ക് ഹൈക്കോടതി സ്റ്റേ. പി.ജെ ജോസഫിന്റെ ഹർജി ഹൈക്കോടതി ഫയലിൽ സ്വീകരിച്ചു. രണ്ടില ചിഹ്നം ജോസ് കെ മാണിക്ക് അനുവദിച്ച തിരഞ്ഞെടുപ്പ് കമ്മീഷൻ ഉത്തരവ് ഹൈക്കോടതി ഒരുമാസത്തേക്കാണ് സ്‌റ്റേ ചെയ്‌തത്.

തിരഞ്ഞെടുപ്പ് കമ്മീഷൻ നടപടിയെ ചോദ്യം ചെയ്താണ് പി.ജെ ജോസഫ് കോടതിയെ സമീപിച്ചത്. വസ്തുതകൾ പരിശോധിക്കാതെയാണ് തിരഞ്ഞെടുപ്പ് കമ്മിഷൻ ജോസ് കെ മാണി വിഭാഗത്തിന് ചിഹ്നം അനുവദിച്ചതെന്നും പിജെ ജോസഫ് പറയുന്നു. നിയമവിരുദ്ധമായ വിധിയിൽ തിരുത്ത് ആവശ്യപ്പെട്ടായിരുന്നു പിജെ ജോസഫിന്റെ ഹർജി.