തിരുവനന്തപുരം: തലസ്ഥാന ജില്ലയിൽ ഇന്ന് കൊവിഡ് രോഗബാധയുണ്ടായതായി സ്ഥിരീകരിച്ചത് 494 പേർക്ക്. ഇതിൽ 477 പേർക്കാണ് സമ്പർക്കത്തിലൂടെ രോഗം വന്നത്. അതേസമയം 308 പേർ ജില്ലയി രോഗമുക്തിയും നേടിയിട്ടുണ്ട്. സംസ്ഥാന ആരോഗ്യവകുപ്പ് നൽകുന്ന കണക്ക് പ്രകാരം ജില്ലയിൽ നിലവിൽ 4927 പേരാണ് നിലവിൽ ചികിത്സയിൽ കഴിയുന്നത്. ജില്ലയിലുണ്ടായ മൂന്ന് മരണങ്ങൾ കൊവിഡ് മൂലമാണെന്ന് ഇന്ന് ആലപ്പുഴ എൻ.ഐ.വി സ്ഥിരീകരിച്ചിട്ടുണ്ട്.

ആഗസ്റ്റ് 17ന് മരണമടഞ്ഞ തിരുവനന്തപുരം പാപ്പനംകോട് സ്വദേശിനി ജ്യോതിസ്മതി അമ്മ (75), ആഗസ്റ്റ് 21ന് മരണമടഞ്ഞ പട്ടം സ്വദേശി ബിജു (47), സെപ്റ്റംബര്‍ 3ന് മരണമടഞ്ഞ കിളിമാനൂര്‍ സ്വദേശിനി നദീറ സമദ് (66) എന്നിവരുടെ മരങ്ങളാണ് കൊവിഡ് മൂലമെന്ന് സ്ഥിരീകരിച്ചത്. ഇതോടെ തിരുവനന്തപുരത്ത് രോഗം മൂലം മരണപ്പെട്ടവരുടെ എണ്ണം 134 ആയി ഉയർന്നിട്ടുണ്ട്. ഒപ്പം ജില്ലയിൽ ഇതുവരെ രോഗം സ്ഥിരീകരിച്ചവരുടെ എണ്ണം 20,313 ആയിട്ടുമുണ്ട്.