ന്യൂഡൽഹി: ഇന്നലെ അന്തരിച്ച സ്വാമി അഗ്നിവേശിനെതിരെ വിദ്വേഷ പരാമർശവുമായി മുൻ സി.ബി.ഐ ഡയറക്‌ടർ നാഗേശ്വര റാവു. കാവി വേഷധാരിയായ ഹിന്ദു വിരുദ്ധനാണ് സ്വാമി അഗ്നിവേശെന്നാണ് നാഗേശ്വർ റാവുവിന്റെ പ്രതികരണം. ട്വിറ്ററിലൂടെയായിരുന്നു അഗ്‌നിവേശിനെതിരായ മുൻ സി.ബി.ഐ ഡയറക്ടറുടെ വിവാദ കുറിപ്പ്.

സ്വാമി അഗ്നിവേശ് ഒരു തെലുങ്ക് ബ്രാഹ്മണനാണെന്നത് തനിക്ക് അപമാനമുണ്ടാക്കുന്നു. ആട്ടിൻതോലിട്ട ചെന്നായയാണ് അദ്ദേഹം. സ്വാമി അഗ്നിവേശിനായി ‘കാലൻ’ ഇത്രയും കാത്തിരുന്നത് എന്തുകൊണ്ടാണെന്നും നാഗേശ്വരറാവു ചോദിച്ചു.

GOOD RIDDANCE @swamiagnivesh
You were an Anti-Hindu donning saffron clothes.
You did enormous damage to Hinduism.
I am ashamed that you were born as a Telugu Brahmin.
మేక వన్నె పులి
गोमुख व्याग्रं
Lion in sheep clothes

My grievance against Yamaraj is why did he wait this long! https://t.co/5g7oKL62pO

— M. Nageswara Rao IPS (@MNageswarRaoIPS) September 11, 2020

സാമൂഹ്യ പ്രവർത്തകനും ആര്യസമാജ പണ്ഡിതനുമായ സ്വാമി അഗ്നിവേശ് ഇന്നലെ രാത്രിയോടെയാണ് അന്തരിച്ചത്. കരൾ രോഗ ബാധയെ തുടർന്ന് ഡൽഹി എയിംസിൽ ചികിത്സയിലായിരുന്നു. സമാധാനത്തിനായുള്ള പോരാട്ടം, ജാതി വിരുദ്ധ സമരം, തൊഴിലാളികൾക്കായുള്ള പ്രവർത്തനം, മദ്യത്തിനെതിരായുള്ള പ്രചാരണം, സ്ത്രീകളുടെ അവകാശങ്ങൾക്കുവേണ്ടിയുള്ള പ്രചാരണം തുടങ്ങി നിരവധി മേഖലകളിൽ പ്രവർത്തിച്ചിരുന്ന വ്യക്തിയാണ് അദ്ദേഹം.