ഇന്ന് നടൻ സലിം കുമാറിന്റെ ഇരുപത്തിനാലാം വിവാഹവാർഷികമാണ്. ജീവിതത്തിലെ പ്രധാനപ്പെട്ട ഈ ദിനത്തിൽ ഭാര്യ സുനിതയ്ക്ക് നന്ദി പറഞ്ഞുകൊണ്ട് അദ്ദേഹമെഴുതിയ ഫേസ്ബുക്ക് കുറിപ്പ് സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. ഒരുപാട് തവണ മരിച്ചു പുറപ്പെട്ടുപോകേണ്ട തന്നെ പിടിച്ചു നിർത്തിയത് ഭാര്യയാണെന്നും അദ്ദേഹം കുറിപ്പിൽ പറയുന്നു.

ഫേസ്ബുക്ക് പോസ്റ്റിന്റെ പൂർണ്ണരൂപം

കല്യാണം കഴിക്കുന്നുണ്ടെങ്കിൽ, അത് യാതൊരു വേലയും കൂലിയും ഇല്ലാത്ത, ഈ മിമിക്രി കാരനെ മാത്രമായിരിക്കും '
എന്ന ഈ സ്ത്രീയുടെ അപകടകരമായ ആ ദൃഢനിശ്ചയത്തിന് ഇന്ന് 24 വയസ്സ് പൂർത്തീകരിക്കുകയാണ്.
ഒരുപാട് തവണ മരിച്ചു പുറപ്പെട്ടു പോകാൻ തുനിഞ്ഞ എന്നെ
ഇവിടെ പിടിച്ചു നിർത്തിയതും
ഇവരുടെ
മറ്റൊരു ദൃഢനിശ്ചയം തന്നെ
എങ്ങനെ നന്ദി പറയണം എന്നറിയില്ല..
ആഘോഷങ്ങൾ ഒന്നുമില്ല..
എല്ലാവരുടെയും
പ്രാത്ഥനകൾ ഉണ്ടാകും
എന്ന
വിശ്വാസത്തോടെ

നിങ്ങളുടെ
സ്വന്തം
സലിംകുമാ‌ർ