ഹൈദരാബാദ്: തെന്നിന്ത്യൻ സൂപ്പർ താരം നിത്യ മേനോൻ പ്രധാന വേഷത്തിൽ എത്തുന്ന പുതിയ ചിത്രം ഗമനത്തിലെ ക്യാരക്‌ടർ പോസ്‌റ്റർ പുറത്തുവിട്ടു. എങ്ങെയും എപ്പോതും ഫേയിം ശർവാനന്ദ് ആണ് ചിത്രത്തിന്റെ പോസ്റ്റർ പുറത്ത് വിട്ടത്. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലായി പാൻ ഇന്ത്യ സിനിമയായിട്ടാണ് ഗമനം ഒരുങ്ങുന്നത്. ഗായിക ശൈലപുത്രി ദേവി ആയിട്ടാണ് നിത്യ ഗമനത്തിൽ പ്രേക്ഷകർക്ക് മുന്നിലേക്ക് എത്തുന്നത്.

തന്റെ കരിയറിലെ തന്നെ വ്യത്യസ്തമായ റോളിലാണ് നിത്യ ഗമനത്തിൽ അഭിനയിച്ചിരിക്കുന്നത്. കർണാടിക് സംഗീതജ്ഞയായിട്ടുള്ള നിത്യയുടെ മേക്ക് ഓവർ ആരാധകരും എറ്റെടുത്തിരിക്കുകയാണ്. നവാഗതനായ സുജാന റാവുവാണ് ചിത്രത്തിന്റെ സംവിധാനം. നേരത്തെ ചിത്രത്തിലെ മറ്റൊരു നായികയായ ശ്രിയ ശരണിന്റെ ക്യാരക്ടർ പോസ്റ്ററും അണിയറ പ്രവർത്തകർ പുറത്തുവിട്ടിരുന്നു. ഈ ചിത്രം ശ്രിയയുടെ ഒരു തിരിച്ചുവരവായിരിക്കുമെന്നാണ് റിപ്പോർട്ട്.

ഗമനത്തിന് സംഗീതം ഒരുക്കുന്നത് ഇളയരാജയാണ്. രമേശ് കരുട്ടൂരി, വെങ്കി പുഷദാപു, ജ്ഞാന ശേഖർ വി.എസ് എന്നിവരാണ് ചിത്രത്തിന്റെ നിർമ്മാതാക്കൾ ചിത്രത്തിന്റെ കഥയും തിരക്കഥയും സംവിധായകനായ സുജാന റാവു തന്നെയാണ്. ക്യാമറ ജ്ഞാന ശേഖർ വി.എസ്, സംഭാഷണം സായ് മാധവ് ബുറ, എഡിറ്റിംഗ് രാമകൃഷ്ണ അറം, പി.ആർ.ഒ ആതിര ദിൽജിത്ത്