തിരുവനന്തപുരം: സ്വർണക്കടത്ത് കേസുമായി ബന്ധപ്പെട്ട് എൻ ഐ എ സംഘം വട്ടിയൂർക്കാവിലെ സി-ആപ്റ്റിൽ പരിശോധന നടത്തുന്നു. യു എ ഇ കോൺസുലേറ്റിൽ നിന്നെത്തിച്ച മതഗ്രന്ഥങ്ങൾ വിതരണം ചെയ്തതുമായി ബന്ധപ്പെട്ട രേഖകളാണ് എൻ ഐ എ പരിശോധിക്കുന്നത്. ഇവിടെ നിന്ന് ചില രേഖകൾ എൻ ഐ എ സംഘം പിടിച്ചെടുത്തതായാണ് വിവരം. കൊച്ചിയിൽ നിന്നുളള സംഘമാണ് പരിശോധന നടത്തുന്നത്.

മതഗ്രന്ഥങ്ങൾ വിതരണം ചെയ്തതുമായി ബന്ധപ്പെട്ട് മന്ത്രി കെ.ടി.ജലീലിനെ എൻ ഐ എ ചോദ്യം ചെയ്തിരുന്നു. ഇതിന്റെ തുടർച്ചയായാണ് പരിശോധന എന്നാണ് റിപ്പോർട്ട്. നേരത്തേ കസ്റ്റംസും സി-ആപ്റ്റിൽ പരിശോധന നടത്തിയിരുന്നു. കോൺലുലേറ്റേിൽ നിന്ന് സി-ആപ്റ്റിന്റെ വാഹനത്തിലാണ് മതഗ്രന്ഥങ്ങൾ മലപ്പുറത്തേക്ക് കൊണ്ടുപോയത്. കഴിഞ്ഞ ദിവസം കസ്റ്റംസ് ഈ വാഹനങ്ങളിലെ ഡ്രൈവർമാരെ ചോദ്യം ചെയ്തിരുന്നു. കഴിഞ്ഞ മാർച്ച് 24നായിരുന്നു മതഗ്രന്ഥങ്ങൾ എത്തിച്ചത്.