തിരുവനന്തപുരം: സ്വര്‍ണക്കടത്ത് കേസില്‍ മുഖ്യപ്രതികളില്‍ ഒരാളായ സന്ദീപ് നായര്‍ക്ക് കോടതി ജാമ്യം അനുവദിച്ചു. അതേസമയം സ്വപ്ന സുരേഷിനെ നാല് ദിവസം എന്‍.ഐ.എ കസ്റ്റഡിയില്‍ വിട്ടു. ഇതോടൊപ്പം മറ്റ് ഒമ്പത് പ്രതികളെ ജയിലില്‍ തന്നെ ചോദ്യം ചെയ്യാന്‍ ആദായനികുതി വകുപ്പിന് കോടതിയുടെ അനുമതി ലഭിച്ചു.
സാമ്പത്തിക കുറ്റകൃത്യങ്ങള്‍ പരിഗണിക്കുന്ന കോടതിയാണ് ജാമ്യം അനുവദിച്ചത്. 60 ദിവസത്തിനകം കുറ്റപത്രം
സമര്‍പ്പിക്കാത്ത സാഹചര്യത്തിലാണ് സന്ദീപിന് ജാമ്യം അനുവദിച്ചത്. ജാമ്യം ലഭിച്ചെങ്കിലും സന്ദീപിന്
പുറത്തിറങ്ങാനാകില്ല.