തിരുവനന്തപുരം: ഇന്ന് തലസ്ഥാന ജില്ലയിൽ കൊവിഡ് രോഗം സ്ഥിരീകരിച്ചത് 814 പേർക്ക്. ഇതിൽ 794 പേർക്ക് സമ്പർക്കത്തിലൂടെയാണ് രോഗബാധ ഉണ്ടായിരിക്കുന്നത്. ഇന്ന് രോഗം കണ്ടെത്തിയവരിൽ 14 ആരോഗ്യപ്രവർത്തകരും ഉൾപ്പെടുന്നു. സംസ്ഥാന ആരോഗ്യവകുപ്പ് നൽകുന്നകണക്കുകൾ പ്രകാരം 8842 പേരാണ് നിലവിൽ ചികിത്സയിൽ കഴിയുന്നത്.

അതേസമയം ഇന്ന് ജില്ലയിൽ 411 പേർക്ക് രോഗമുക്തിയും ഉണ്ടായിട്ടുണ്ട്. തിരുവനന്തപുരത്ത് മരണപ്പെട്ട അഞ്ച് പേർക്ക് കൊവിഡ് രോഗബാധ ഉണ്ടായിരുന്നുവെന്ന് ആലപ്പുഴ എൻ.ഐ.വി സ്ഥിരീകരിച്ചിട്ടുണ്ട്. ഇതോടെ, രോഗം മൂലം മരണപ്പെട്ടവരുടെ എണ്ണം ജില്ലയിൽ 205 ആയി ഉയർന്നു.

സെപ്റ്റംബര്‍ 21ന് മരണമടഞ്ഞ തിരുവനന്തപുരം നെടുമങ്ങാട് സ്വദേശി രാജേഷ് (45), തിരുവനന്തപുരം കണ്ണമ്മൂല സ്വദേശിനി കലാമണി (58), തിരുവനന്തപുരം കരമന സ്വദേശി വിജയന്‍ (59), തിരുവനന്തപുരം വെള്ളറട സ്വദേശി തോമസ് കോര്‍ണാല്ലസ് (60), സെപ്റ്റംബര്‍ 24ന് മരണമടഞ്ഞ തിരുവനന്തപുരം ആനയറ സ്വദേശിനി പദ്മാവതി (67) എന്നിവർക്കാണ് രോഗം ഉണ്ടായിരുന്നുവെന്ന് ഇന്ന് സ്ഥിരീകരിച്ചത്.