ദുബായ്: ഇന്ത്യൻ പ്രീമിയർ ലീഗിന്റെ പതിമൂന്നാം സീസണിലെ ഏഴാം മത്സരത്തിൽ ചെന്നെെയ്ക്കെതിരെ ഡൽഹിക്ക് 44 റൺസിന്റെ തകർപ്പൻ വിജയം. ഡൽഹിയുടെ തുടർച്ചയായ രണ്ടാം ജയമാണിത്.ആദ്യം ബാറ്റിംഗിനിറങ്ങിയ ഡൽഹി ക്യാപിറ്റൽസ് 20 ഓവർ പൂർത്തിയായപ്പോൾ മൂന്ന് വിക്കറ്റ് നഷ്ടത്തിൽ 175 റൺസ് നേടിയിരുന്നു. ഇത് പിന്തുടർന്ന ചെന്നെെ സൂപ്പർ കിംഗ്സിന് 20 ഓവർ പൂർത്തിയായപ്പോൾ ഏഴ് വിക്കറ്റ് നഷ്ടത്തിൽ 131 റൺസ് മാത്രമാണ് നേടാനായത്. ആറാമനായി ഇറങ്ങിയ എം.എസ് ധോണി 12 പന്തിൽ 15 റൺസെടുത്ത് പുറത്താവുകയായിരുന്നു.

ടോസ് നേടിയ ചെന്നെെ സൂപ്പർ കിംഗ്സ് ക്യാപ്റ്റൻ എം.എസ് ധോണി ഫീൽഡിംഗ് തിരഞ്ഞെടുക്കുകയായിരുന്നു. ഐ.പി.എൽ ഉദ്ഘാടന മത്സരത്തിൽ മുംബയ്ക്കെതിരെ അഞ്ച് വിക്കറ്റ് നഷ്ടത്തിൽ 166 റൺസ് നേടി അത്യുഗ്ര വിജയമായിരുന്നു ചെന്നെെ നേടിയത്. തുടർന്ന് രാജസ്ഥാനുമായി നടന്ന മത്സരത്തിൽ 16 റൺസിന് പരാജയപ്പെട്ടിരുന്നു. ഇതിന് പിന്നാലെയാണ് ഡൽഹി ക്യാപിറ്റൽസിനോടും ചെന്നെെ സൂപ്പർ കിംഗ്സ് പരാജയപ്പെടുന്നത്.