ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം കുതിച്ചുയരുന്നു. ഇതുവരെ 32,743,334 പേർക്കാണ് രോഗം സ്ഥിരീകരിച്ചത്. 992,886 പേർ മരണമടഞ്ഞു. രോഗമുക്തി നേടിയവരുടെ എണ്ണം 24,163,944 ആയി ഉയർന്നു. അമേരിക്കയിൽ തന്നെയാണ് ഇപ്പോഴും ഏറ്റവും കൂടുതൽ രോഗികളുള്ളത്. 7,236,381 പേർക്കാണ് യു.എസിൽ ഇതുവരെ രോഗം സ്ഥിരീകരിച്ചത്. 208,369 പേർ വൈറസ് ബാധമൂലം മരിച്ചു. സുഖം പ്രാപിച്ചവരുടെ എണ്ണം 4,477,253 ആയി.

ഇന്ത്യയിൽ കൊവിഡ് ബാധിതരുടെ എണ്ണം 58 ലക്ഷം കടന്നു. ഇന്നലെ 86,052 പേർക്ക് കൂടി രോഗം സ്ഥിരീകരിച്ചതോടെ ആകെ രോഗബാധിതരുടെ എണ്ണം 58,18,571 ആയി ഉയർന്നു. 92,290 പേർ മരിച്ചു. നിലവിൽ 9,70,116 പേരാണ് ചികിത്സയിൽ കഴിയുന്നത്. 47,56,165 പേർ രോഗമുക്തി നേടി.

ബ്രസീലിലും സ്ഥിതി ഗുരുതരമായി തുടരുകയാണ്. ഇതുവരെ 4,692,579 പേർക്കാണ് രാജ്യത്ത് കൊവിഡ് സ്ഥിരീകരിച്ചത്. മരണസംഖ്യ140,709 ആയി.4,040,949 പേർ രോഗമുക്തി നേടി.