ഭുവനേശ്വര്‍: വ്യാജ കൊവിഡ് വാക്സിന്‍ നിര്‍മ്മിച്ചതിന് ഒഡീഷയിലെ ബാര്‍ഗഢ് ജില്ലയില്‍ ഒരാള്‍ അറസ്റ്റില്‍. ഒന്‍പതാം ക്ലാസ് വിദ്യാഭ്യാസം മാത്രമുള്ള പ്രഹ്ലാദ് ബിസി (32) എന്നയാളാണ് അറസ്റ്റിലായത്. വാക്സിന്‍ നിര്‍മ്മാണകേന്ദ്രം റെയ്ഡുചെയ്ത പൊലീസ് കൊവിഡ് വാക്സിനെന്ന ലേബല്‍ പതിച്ച നിരവധി കുപ്പികള്‍ പിടിച്ചെടുത്തു.
കൂടാതെ, രാസവസ്തുക്കളും ഉപകരണങ്ങളും കണ്ടെത്തിയിട്ടുണ്ട് കൊവിഡ് വാക്സിനെന്ന് അവകാശപ്പെട്ട് വന്‍തോതില്‍ വ്യാജ ഉത്പന്നം നിര്‍മ്മിക്കുന്നുവെന്ന രഹസ്യ വിവരം ലഭിച്ചതിനെ തുടര്‍ന്നായിരുന്നു റെയ്ഡ്.