മാധവനും അനുഷ്‌ക ഷെട്ടിയും ഒന്നിക്കുന്ന ത്രില്ലർ ചിത്രം 'സൈലെൻസ്' ഒക്ടോബർ രണ്ടിന് ആമസോണിൽ.തെലുങ്ക്, തമിഴ്, മലയാളം എന്നീ മൂന്ന് ഭാഷകളിലായാണ് ചിത്രം ഒരുക്കുന്നത്. ഹേമന്ത് മധുകർ സംവിധാനം ചെയ്യുന്ന ചിത്രം നിർമ്മിക്കുന്നത് ടിജി വിശ്വ പ്രസാദാണ്. അഞ്ജലി, ശാലിനി പാണ്ഡെ, സുബ്ബരാജു, ശ്രീനിവാസ് അവസരാല എന്നിവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. അമേരിക്കൻ സംവിധായകനും, നടനും, നിർമ്മാതാവുമായ മൈക്കൽ മാഡ്‌സന്റെ ആദ്യ ഇന്ത്യൻ ചിത്രമെന്ന പ്രത്യേകയും 'സൈലെൻസി'നുണ്ട്.കേൾവിയും സംസാരശേഷിയും ഇല്ലാത്ത സാക്ഷി എന്ന കഥാപാത്രമായാണ് ചിത്രത്തിൽ അനുഷ്‌ക എത്തുന്നത്. ഒരു വില്ലയിൽ വെച്ച് നടക്കുന്ന അപ്രതീക്ഷിത സംഭവങ്ങൾക്ക് അനുഷ്‌ക സാക്ഷി ആവുകയും തുടർന്ന് കേസന്വേഷണത്തിന്റെ ഭാഗമാകുന്നതുമാണ് പ്രമേയം.ഗോപി സുന്ദർ സംഗീതവും ഗിരീഷ് ഗോപാലകൃഷ്ണ പശ്ചാത്തല സംഗീതവും നിർവ്വഹിക്കുന്നു. മലയാള പതിപ്പിലെ ഗാനങ്ങൾക്ക് വരികൾ എഴുതിയിരിക്കുന്നത് ബി കെ ഹരിനാരായണനാണ്. ഷാനിൽ ഡിയോ ഛായാഗ്രാഹണവും പ്രവീൺ പുടി എഡിറ്റിങും.