തിരുവനന്തപുരം: കിളിമാനൂരിൽ വാഹനാപകടത്തിൽ നാല് പേർ മരിച്ചു. വെഞ്ഞാറമൂട്, കഴക്കൂട്ടം സ്വദേശികളായ ലാൽ, നജീബ്, ഷമീർ, സുൽഫി എന്നിവരാണ് മരിച്ചത്.പരിക്കേറ്റ വെഞ്ഞാറമൂട് സ്വദേശി നിവാസിനെ ആശുപത്രിയിൽ പ്രവേശിപ്പിച്ചു.

പുലർച്ചെ രണ്ടുമണിയോടെയാണ് അപകടം.തിരുവനന്തപുരത്തേക്ക് പോകുകയായിരുന്ന കാർ നിയന്ത്രണം വിട്ട് കലുങ്കിൽ ഇടിക്കുകയായിരുന്നു.സുഹൃത്തിന്റെ വീട്ടിൽ ഒത്തുകൂടിയ ശേഷമുള്ള യാത്രയിലായിരുന്നു അപകടം.ഡ്രൈവർ ഉറങ്ങി പോയതാകാം അപകട കാരണമെന്നാണ് പ്രാഥമിക നിഗമനം.