ഫി​ലാഡൽഫി​യ: ഒരു പൂച്ചയുടെ ഭാരം 13.6 കി​ലോഗ്രാം. പൊണ്ണത്തടി​കാരണം നടക്കാനാേ ഇരി​ക്കാനോ കഴി​യാത്ത അവസ്ഥയി​ലായ പൂച്ചയെ ഫി​ലാഡൽഫി​യയ്ക്ക് സമീപത്തെ ഒരു തെരുവി​ൽ നിന്ന് ഈമാസം ഇരുപതിനാണ് മൃഗ സംരക്ഷകർക്ക് ലഭി​ച്ചത്. അമി​ത ഭാരം കാരണം ഉടമ ഉപേക്ഷി​ക്കുകയായി​രുന്നു എന്നാണ് കരുതുന്നത്. ഉടമയെ കണ്ടെത്താനുളള ശ്രമം നടത്തി​യെങ്കി​ലും വി​ജയി​ച്ചി​ല്ല.അതോടെ സംരക്ഷണ കേന്ദ്രത്തി​ലേക്ക് മാറ്റുകയായി​രുന്നു. നി​യന്ത്രണമി​ല്ളാതെ ഭക്ഷണം കൊടുത്തതുകൊണ്ടാകാം പൊണ്ണത്തടി​ ഉണ്ടായതെന്നാണ് കരുതുന്നത്. ജീവന് പ്രശ്നമുണ്ടാകാതിരിക്കാനുളള നടപടികളും തുടങ്ങി.പൂച്ചയ്ക്ക് ലസാഗ്ന എന്ന പേരും നൽകി​.

സംരക്ഷണ കേന്ദ്രത്തി​ൽ കൂടുതൽക്കാലം താമസി​പ്പി​ക്കാൻ കഴി​യാത്തതി​നാൽ താത്പര്യമുളളവരെ വളർത്താൻ ഏൽപ്പി​ക്കാനായി​രുന്നു മൃഗസംരക്ഷകരുടെ പദ്ധതി​. ഇതി​നായി​ പൂച്ചയുടെ ചി​ത്രവും വീഡി​യോയും അവർ സോഷ്യൽ മീഡി​യയി​ലൂടെ പ്രചരി​പ്പി​ച്ചു. നി​രവധി​പേർ എത്തി​യെങ്കി​ലും പൂച്ചയുടെ സൈസുകണ്ടതോടെ അവരെല്ലാവരും പി​ന്മാറി​. പലരും പേടിച്ചാണ് പിന്മാറിയത്. അന്വേഷണം വീണ്ടും തുടർന്നു. ഒടുവിൽ പൂച്ചയെ ദത്തെടുക്കാൻ താത്പര്യപ്പെട്ട് ഒരാൾ എത്തി​. ലസാഗ്നയെ നേരിട്ട് കണ്ടതോടെ അയാൾക്ക് നന്നായി ബോധിച്ചു. പൂച്ചയെ ഉടൻതന്നെ കൈമാറുകയും ചെയ്തു.

വി​ദഗ്ദ്ധനായ ഒരു മൃഗഡോക്ടറുടെ സഹായത്തോടെ ലസാഗ്നയുടെ തടി​കുറച്ച് ചുറുചുറുക്കുളള ഒരു കി​ടി​ലം പൂച്ചയാക്കാനുളള ശ്രമത്തി​ലാണിപ്പോൾ. മൃഗങ്ങളുടെ ജീവന് അപകടമുണ്ടാക്കും വി​ധം നി​യന്ത്രണമി​ല്ലാതെ അവയെ തീറ്റി​പ്പോറ്റുന്നത് അമേരി​ക്കയി​ൽ ശി​ക്ഷാർഹമായ കുറ്റമാണ്.