ഇടുക്കി: ഇടുക്കി മൂന്നാർ ചിത്തിരപുരത്ത് മദ്യം കഴിച്ച മൂന്നുപേർ ഗുരുതരാവസ്ഥയിൽ. ഹോം സ്‌റ്റേ ഉടമ, സഹായി, സുഹൃത്ത് എന്നിവരാണ് ഗുരുതരാവസ്ഥയിൽ ചികിത്സയിലുളളത്. വാറ്റുചാരായമാണ് ഇവർ കഴിച്ചതെന്നാണ് സൂചന.

ഞായറാഴ്ചയാണ് ഇവർ ഒരുമിച്ചിരുന്ന് മദ്യം കഴിച്ചത്. പിന്നീട് ഇവർക്ക് അസ്വസ്ഥത അനുഭവപ്പെടുകയായിരുന്നു. രണ്ടുപേർ കോലഞ്ചേരി ആശുപത്രിയിലും ഒരാൾ അങ്കമാലി ആശുപത്രിയിലുമാണുള്ളത്. ഇവർ ഇപ്പോൾ അബോധാവസ്ഥയിലാണ്.

ഒരാളുടെ കാഴ്‌ച നഷ്‌ടപ്പെട്ടതായി ഭാര്യ പറഞ്ഞു. സംഭവത്തിൽ വെളളത്തൂവൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.