മലയാളികളുടെ പ്രിയങ്കരിയായ, മലയാളത്തിന്റെ എക്കാലത്തെയും മികച്ച നടിയാണ് ശോഭന. ഏറെ നാളുകൾക്ക് ശേഷം 'വരനെ ആവശ്യമുണ്ട്' എന്ന ചിത്രത്തിലൂടെയാണ് ശോഭന വീണ്ടും ആരാധകരുടെ മുന്നിലെത്തിയത്. സിനിമയിൽ നിന്നും അൽപ്പം വിട്ടുനിന്നുവെങ്കിലും നൃത്തവും അനുബന്ധ പരിപാടികളുമായി സോഷ്യൽ മീഡിയയിൽ നിറഞ്ഞു നിൽക്കുകയാണ് താരം.

ഇപ്പോൾ നടി സോഷ്യൽ മീഡിയയിൽ പോസ്റ്റ് ചെയ്തിരിക്കുന്ന ഒരു ചിത്രമാണ് ആരാധകർക്കിടയിൽ ചർച്ചാ വിഷയമാകുന്നത്. ബീച്ച് സീരീസ് വൺ എന്ന് ചിത്രത്തിനുളളിൽ ഒരു ക്യാപ്ഷൻ നൽകി കടൽ തീരത്തുളള തന്റെ ചിത്രമാണ് ശോഭന പങ്കുവച്ചിരിക്കുന്നത്.

"ഒരു ട്രിപ്പ് പോകുന്നു. ഫേസ്ബുക്കിലും ഇൻസ്റ്റയിലും ഉളളതിൽ സന്തോഷം. ആരു പറഞ്ഞു ഞാൻ നിങ്ങളുടെ കമന്റുകൾ വായിക്കില്ലെന്ന്. മലയാളം ഫോണ്ട് ഉപയോഗിച്ച് എങ്ങനെ മറുപടി നൽകുമെന്ന് നോക്കണം" എന്നാണ് ശോഭന ചിത്രത്തിന് അടിക്കുറിപ്പ് നൽകിയിരിക്കുന്നത്. എന്നാൽ ഫോട്ടോയോയിലുള്ള സ്ഥലം ഏതാണെന്ന് ശോഭന വ്യക്തമാക്കിയിട്ടില്ല. ആരാധകർക്ക് അറിയേണ്ടതും ഇതാണ്. ഈ കാര്യങ്ങൾ ചോദിച്ച് നിരവധി ആരാധകരാണ് പോസ്റ്റിനു കീഴിൽ കമന്റുകളുമായെത്തിയത്.