മലപ്പു​റം: സ്വർ​ണ​ക്ക​ട​ത്തു​മാ​യി ബ​ന്ധ​പ്പെ​ട്ട് ചോദ്യം ചെ​യ്യ​ലി​ന് വി​ധേ​യ​നാ​യ മന്ത്രി കെ.ടി.ജ​ലീൽ രാ​ജിവയ്​ക്ക​ണ​മെ​ന്ന് മു​സ്ളിം​ലീ​ഗ് ദേ​ശീ​യ ജ​ന​റൽ സെ​ക്രട്ടറി പി.​കെ.കു​ഞ്ഞാ​ലി​ക്കു​ട്ടി എം​.പി പറഞ്ഞു. ഇ.പി.ജ​യ​രാ​ജനെ​യും ശി​വ​ശ​ങ്ക​റിനെയും മാ​റ്റി​നിറുത്തിയ പോ​ലെ ജ​ലീ​ലിനെയും മാ​റ്റിനിറു​ത്താൻ മു​ഖ്യമന്ത്രി ത​യ്യാറാ​വ​ണം. യു​.ഡി​.എഫ് ഭ​ര​ണ​കാലത്ത് സമാ​ന സാ​ഹ​ച​ര്യ​ങ്ങൾ നേ​രി​ട്ട​പ്പോൾ ആരും അ​ള്ളി​പ്പി​ടി​ച്ചി​രു​ന്നി​ട്ടില്ല. എല്ലാ​വരും രാ​ജിവ​ച്ചി​ട്ടുണ്ട്. ഇ​തു സംഭ​വം ചെ​റു​തു​മല്ല. ന​യ​ത​ന്ത്ര ചാ​ന​ലി​ലൂ​ടെ സ്വർ​ണം കട​ത്തിയ കേസു​മാ​യി ബ​ന്ധ​പ്പെ​ട്ടാ​ണ് ചോദ്യം ചെയ്യൽ. സം​ശ​യ​ത്തി​ന്റെ നി​ഴ​ലി​ലാ​ണ് മ​ന്ത്രി. ധാർ​മ്മി​ക​തയും ഉ​ത്ത​ര​വാ​ദിത്വ​ബോ​ധ​വും ഉ​ണ്ടെ​ങ്കിൽ രാ​ജിവയ്​ക്കാൻ ത​യ്യാ​റാവ​ണം. ഇ​ത്ര​യേ​റെ വി​വാ​ദ​ങ്ങ​ളി​ലും ആ​രോ​പ​ണ​ങ്ങ​ളിലും പെ​ട്ടൊ​രു മ​ന്ത്രി​യില്ലെന്നും പി​.കെ.കു​ഞ്ഞാ​ലി​ക്കു​ട്ടി പ​റഞ്ഞു.