മലപ്പുറം: ജില്ലയിൽ ഇളവുകൾക്ക് വഴങ്ങാതെ കൊവിഡ്. ജില്ലയിൽ 977 പേർക്കാണ് ഇന്നലെ കൊവിഡ് സ്ഥിരീകരിച്ചത്. 877 പേർക്ക് നേരിട്ടുള്ള സമ്പർക്കത്തിലൂടെയാണ് രോഗബാധ. ജാഗ്രതക്കുറവാണ് ഇത്രയും രോഗബാധിതർ ഉണ്ടാകാനിടയാക്കിയതെന്നാണ് നിഗമനം. നിയന്ത്രണങ്ങൾ ലംഘിക്കുന്നവർക്കെതിരെ കർശന നടപടികൾ കൈക്കൊള്ളുന്നുണ്ടെങ്കിലും ജനങ്ങളുടെ സഹകരണത്തോടെ മാത്രമേ കൃത്യമായ കൊവിഡ് പ്രതിരോധം സാദ്ധ്യമാകൂ എന്ന് ജില്ലാ കളക്ടർ പറഞ്ഞു. രോഗം സ്ഥിരീകരിച്ചവരിൽ 83 പേർക്ക് ഉറവിടമറിയാതെയാണ് രോഗബാധയുണ്ടായത്. രണ്ട് ആരോഗ്യ പ്രവർത്തകർക്കും ഇന്നലെ രോഗം സ്ഥിരീകരിച്ചു. രോഗബാധയുണ്ടായവരിൽ ഒമ്പതുപേർ ഇതര സംസ്ഥാനങ്ങളിൽ നിന്നെത്തിയവരും ശേഷിക്കുന്ന ആറ് പേർ വിവിധ വിദേശ രാജ്യങ്ങളിൽ നിന്നെത്തിയവരുമാണ്. ഇന്നലെ രോഗമുക്തി നേടിയ 601 പേരുൾപ്പടെ ഇതുവരെ 16,607 പേരാണ് വിദഗ്ധ ചികിത്സയ്ക്ക് ശേഷം ജില്ലയിൽ വീടുകളിലേക്ക് മടങ്ങിയത്.
39,283 പേർ നിരീക്ഷണത്തിൽ