പത്തനംത്തിട്ട : സംസ്ഥാനത്തെ ചെറുപ്പക്കാരുടെ തൊഴിൽ സ്വപ്നങ്ങളെ തല്ലി കെടുത്തിയ സർക്കാരാണ് കേരളം ഭരിക്കുന്നതെന്ന് കെ.പി.സി.സി ജനറൽ സെക്രട്ടറി കെ.ശിവദാസൻ നായർ പറഞ്ഞു.യൂത്ത് കോൺഗ്രസ് ജില്ലാ കമ്മിറ്റിപി.എസ്.സി ഓഫീസിന് മുൻപിൽ സംഘടിപ്പിച്ച പട്ടിണി സമരം ഉദ്ഘാടനം ചെയ്യുകയായിരുന്നു അദ്ദേഹം.
അനുവെന്ന ചെറുപ്പക്കാരന്റെ ആത്മഹത്യയുടെ കുറ്റക്കാർ മുഖ്യമന്ത്രിയും , രാജാവിനെക്കാൾ രാജഭക്തിയുള്ള പി.എസ് സി ചെയർമാനുമാണെന്നും അദ്ദേഹം പറഞ്ഞു.സമാപന സമരം ആന്റോ ആന്റണി എം.പി ഉദ്ഘാടനം ചെയ്തു.ജില്ലാ പ്രസിഡന്റ് എം.ജി കണ്ണൻ അദ്ധ്യക്ഷത വഹിച്ചു.എം.ജി കണ്ണൻ, വിശാഖ് വെൺപാല, ജി.മനോജ്,പി.മോഹൻ രാജ്, എ.സുരേഷ് കുമാർ ,ജില്ലാ വൈസ് പ്രസിഡന്റുമാരായ ജി.മനോജ്,വിശാഖ് വെൺപാല,ജില്ലാ ഭാരവാഹികളായ എം.എം.പി ഹസൻ ,ജിജോ ചെറിയാൻ, ഷിജു തോട്ടപ്പുഴശേരി, ഷിനി മെഴുവേലി, രഞ്ജു മുണ്ടയിൽ, ജിതിൻ ജി നൈനാൻ , കെ.എസ്.യു ജില്ലാ പ്രസിഡന്റ് അൻസർ മുഹമ്മദ്, അഫ്‌സൽ വി.ഷയ്ഖ് ,ആരിഫ് ഖാൻ, ബാസിത്ത് താക്കര, അഭിജിത്ത് സോമൻ, മെബിൻ നിരവേൽ, നിബു മാത്യു, ഷാഫീക്ക് ആനപ്പാറ ,ബൈജു ഭാസ്‌കർ എന്നിവർ സംസാരിച്ചു.