കോന്നി: പ്രമാടം കുടിവെള്ള പദ്ധതിയുടെ പൈപ്പ് ലൈൻ നവീകരണം കെ.യു. ജനീഷ് കുമാർ എം.എൽ.എ ഉദ്ഘാടനം ചെയ്തു. എം.എൽ.എയുടെ ആസ്തി വികസന ഫണ്ടിൽ നിന്നും 40 ലക്ഷം രൂപ ഉപയോഗിച്ചാണ് നവീകരണം. പഞ്ചായത്ത് പ്രസിഡന്റ് റോബിൻ പീ​റ്റർ അദ്ധ്യക്ഷത വഹിച്ചു. ജില്ലാ പഞ്ചായത്തംഗം എലിസബത്ത് അബു, പഞ്ചായത്തംഗം കെ.എം മോഹനൻ വിവിധ രാഷ്ടീയ പാർട്ടി പ്രതിനിധികളായ എം.അനീഷ് കുമാർ, ബി.രാജേന്ദ്രൻ പിള്ള, ഗിരീഷ് കളഭം,സംഘാടക സമിതി ചെയർമാൻ കെ.ആർ.ജയൻ,വാട്ടർ അതോറി​റ്റി അസി.എക്‌സി. എൻജിനിയർ കെ.ഐ.നിസർ എന്നിവർ പ്രസംഗിച്ചു.

കഴിഞ്ഞ കുറെ നാളുകളായി പദ്ധതിയിലൂടെയുള്ള ജലവിതരണം കാര്യക്ഷമമല്ല. പൈപ്പുകളുടെ തുടർച്ചയായ തകരാറുകൾ കാരണം പഞ്ചായത്തിലെ 9 വാർഡുകളിലായി 3000 ൽ അധികം കുടുംബങ്ങൾ കുടിവെള്ള ലഭിക്കാതെ ദുരിതത്തിലായിരുന്നു. പ്രമാടം ശുദ്ധജല വിതരണ പദ്ധതിയിലെ പഴയ പമ്പിംഗ് മെയിൻ ലൈനിൽ ആസ്ബസ്​റ്റോസ് സിമന്റ് പൈപ്പുകളായിരുന്നു. ഇത് മാ​റ്റി പുതിയ ഗാൽവനൈസ്ഡ് അയൺ ( ജി.ഐ) പൈപ്പുകൾ സ്ഥാപിച്ചാണ് നവീകരിക്കുന്നതാണ് നവീകരിക്കുന്നത്.