അടൂർ : പഴകുളം തെങ്ങുംതാര സർവീസ് സഹകരണ ബാങ്കിൽ നടന്ന സാമ്പത്തിക ക്രമക്കേടുകളെ കുറിച്ച് ഉന്നതതല അന്വേഷണം നടത്തി കുറ്റവാളികൾക്കെതിരെ ശക്തമായ നിയമനടപടി സ്വീകരിച്ച് നഷ്ടപെട്ട പണം അടിയന്തരമായി വസൂലാക്കണമെന്നാവശ്യപ്പെട്ട് പഴകുളം പെരിങ്ങനാട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ബാങ്കിന് മുന്നിലേക്ക് പ്രതിഷേധ മാർച്ചും ധർണയും നടത്തി. ഡി.സി.സി പ്രസിഡന്റ് ബാബു ജോർജ് ഉദ്ഘാടനം ചെയ്തു.തെങ്ങുംതാരാ ജംഗ്ഷനിൽ നടന്ന യോഗത്തിൽ മണ്ഡലം പ്രസിഡന്റ് കമറുദ്ദീൻ മുണ്ടുതറയിൽ അദ്ധ്യക്ഷത വഹിച്ചു.കെ.പി.സി.സി എക്സിക്യൂട്ടീവംഗം തോപ്പിൽ ഗോപകുമാർ, തേരകത്ത് മണി,പഴകുളംശിവദാസൻ,മണ്ണടി പരമേശ്വരൻ എസ്.ബിനു,ഏഴംകുളം അജു.രാജേന്ദ്രൻ നായർ,എം.ആർ ജയപ്രസാദ്,നാസർ പഴകുളം മോനി മാവിള എന്നിവർ പ്രസംഗിച്ചു. പ്രതിഷേധ മാർച്ചിന് അബ്ദുൽ അസീസ്,മനുചാല,ഹരി മലമേക്കര, ഭാസ്കരപിള്ള, മുണ്ടപ്പള്ളിസുഭാഷ്,റെജികാസിം, നിസാർ ഫാത്തിമ,അലക്സ് കോയിപ്പുറത്ത്, ബിജുകുമാർ,സുരേഷ് കുമാർ,ജോഗീന്ദർ,സിജുതണ്ണിക്കോട്,മോഹൻ പെരിങ്ങനാട്,സാംകുട്ടി, ജോസ്ഓലിക്കൽ,അംജിത് അടൂർ,മനോഹരൻ,രാധാകൃഷ്ണൻ എന്നിവർ നേതൃത്വം നല്കി.