കോന്നി: പ്ലാപ്പള്ളി -കക്കി-വള്ളക്കടവ് (പി.കെ.വി) റോഡ് വികസനം വൈകുന്നു. 9.27 കോടി രൂപ അനുവദിച്ചിരുന്നെങ്കിലും നടപടി ഉണ്ടായില്ല.

കോന്നി നിയോജക മണ്ഡലത്തിലെ പ്രധാന ടൂറിസം കേന്ദ്രമായ ഗവിയിലേക്കുള്ള റോഡാണ് ഇത്. ശബരിമല തീർത്ഥാടകരും യാത്രയ്ക്ക് ഉപയോഗിക്കുന്നുണ്ട്.നിർമ്മാണം പൂർത്തിയാകുന്നതോടെ മൂഴിയാർ ഡാം, പെൻസ്​റ്റോക്ക് , കക്കി ഡാം, കൊച്ചു പമ്പ തുടങ്ങിയ ഭാഗങ്ങളിൽ റോഡ് ഗതാഗതയോഗ്യമാകും. ഇതോടെ ഗവിയിലേക്കുള്ള യാത്ര സുഗമമാകും

നാല് സെന്റീ മീ​റ്ററിൽ ക്ലോസ് ഗ്രേഡ് ചിപ്പിംഗ് കാർപെ​റ്റ് ഉപഗോയിച്ച് ടാർ ചെയ്യാനാണ് പദ്ധതി. 3.8 മീ​റ്റർ വീതിയിലാണ് റോഡ് നിർമ്മിക്കുന്നത്.നിലവിലുള്ള റോഡിന്റെ ഉപരിതലം ഇളക്കി മാ​റ്റി വെ​റ്റ്മിക്‌സ് ഇട്ട് ഉറപ്പിക്കും. തുടന്നാണ് ടാറിംഗ് നടത്തുക. വെള്ളക്കെട്ട് ഉള്ള ഭാഗങ്ങളിൽ റോഡ് ഉയർത്തുകയും ചെയ്യും.

----------------

റോഡിന്റെ ശോച്യാവസ്ഥ മൂലം ഗവിയിലേക്കുള്ള സഞ്ചാരികളുടെ വരവിൽ കുറവുണ്ടായിരുന്നു. റോഡ് നവീകരണം പൂർത്തിയാകുന്നതോടെ ഗവി നിവാസികൾ ഉൾപ്പടെയുള്ള മലയോര ജനങ്ങളുടെ യാത്രാ പ്രശ്‌നത്തിന് പരിഹാരമാകും. ഉടൻ തന്നെ നിർമ്മാണം ആരംഭിക്കാൻ നടപടി സ്വീകരിക്കും.

കെ.യു. ജനീഷ് കുമാർ എം.എൽ.എ

-----------------------

ദൂരം - 96.05 കിലോമീ​റ്റർ.