തിരുവല്ല: കിഫ് ബി പ്രോജക്റ്റിൻ്റെ ഭാഗമായി തിരുവല്ല ജല ശുദ്ധീകരണശാലയിൽ ഇന്ന് മുതൽ ആരംഭിക്കാനിരുന്ന പൈപ്പുകൾ ബന്ധിപ്പിക്കുന്ന പണികൾ കനത്ത മഴയെത്തുടർന്ന് മാറ്റിവച്ചു. പണികളുടെ ഭാഗമായി തിരുവല്ല മുനിസിപ്പാലിറ്റിയിലും നെടുമ്പ്രം, പെരിങ്ങര പഞ്ചായത്തുകളിൽ ഭാഗികമായും വെളിയനാട്, വാഴപ്പള്ളി, കുറിച്ചി, പായിപ്പാട്, തൃക്കൊടിത്താനം പഞ്ചായത്തുകളിൽ പൂർണമായും മൂന്ന് ദിവസങ്ങളിൽ ജലവിതരണം തടസപ്പെടുമെന്ന് കഴിഞ്ഞദിവസം അറിയിച്ചിരുന്നു. എന്നാൽ കാലാവസ്ഥ അനുകൂലമാകുന്നത് വരെ പൈപ്പുകളുടെ പണികൾ മാറ്റിവച്ച സാഹചര്യത്തിൽ ഈ ദിവസങ്ങളിൽ കുടിവെള്ള വിതരണത്തിന് തടസമുണ്ടാകില്ലെന്ന് ജല അതോറിറ്റി എക്സിക്യുട്ടീവ് എൻജിനീയർ അറിയിച്ചു.