പത്തനംതിട്ട ; ഓൺലൈനായി നടത്തിയ ജില്ലാ കളക്ടറുടെ റാന്നി താലൂക്ക്തല പൊതുജന പരാതി പരിഹാര അദാലത്തിൽ ലഭിച്ച 64 പരാതികളിൽ 17 എണ്ണം പരിഹരിച്ചു. കൊവിഡ് സാഹചര്യത്തിൽ കളക്ടറേറ്റിൽ ജില്ലാ കളക്ടർ പി.ബി നൂഹിന്റെ അദ്ധ്യക്ഷതയിൽ ഓൺലൈനായാണ് അദാലത്ത് നടത്തിയയ്. ലഭിച്ച പരാതികളിൽ 47 എണ്ണം പരിഹരിക്കുന്നതിന് ബന്ധപ്പെട്ട വകുപ്പ് ഉദ്യോഗസ്ഥർക്ക് കളക്ടർ നിർദേശം നൽകി.
പരാതിക്കാർ അക്ഷയ കേന്ദ്രങ്ങൾ മുഖേനയാണ് അദാലത്തിൽ പങ്കെടുത്തത്. അക്ഷയകേന്ദ്രങ്ങളിലൂടെ മുൻകൂട്ടി പരാതി രജിസ്റ്റർ ചെയ്തവർക്കാണ് ഓൺലൈനായി ഹാജരായി പ്രശ്‌നങ്ങൾക്ക് പരിഹാരം കണാൻ അവസരം ലഭിച്ചത്.
പട്ടയം നൽകുന്നത് സംബന്ധിച്ച പരാതികളാണ് കൂടുതലായും പരിഗണനയ്ക്ക് വന്നത്. പട്ടയവുമായി ബന്ധപ്പെട്ട പരാതികളുടെ നടപടികൾ സ്വീകരിക്കുന്നതിനായി റാന്നി തഹസീൽദാറിനു നിർദേശം നൽകി. എ.ഡി.എം അലക്‌സ് പി. തോമസ്, ഇലക്ഷൻ ഡെപ്യൂട്ടി കളക്ടർ വി. ഹരികുമാർ, അസിസ്റ്റന്റ് കളക്ടർ വി ചെൽസാസിനി, റാന്നി തഹസിൽദാർ നവീൻ ബാബു, ഭൂരേഖ തഹസീൽദാർ ഒ.കെ ഷൈല, ഐ.ടി മിഷൻ ജില്ലാ പ്രോജക്ട് മാനേജർ ഷൈൻ ജോസ് തുടങ്ങിയവർ പങ്കെടുത്തു.