ചെങ്ങന്നൂർ : നിയോജകമണ്ഡലത്തിൽപ്പെട്ട തിരുവൻവണ്ടൂർ പഞ്ചായത്തിൽ കുടിവെള്ള പദ്ധതി യാഥാർത്ഥ്യമാകുന്നു. 9.19 കോടി രൂപ ചിലവിൽ കിഫ്ബി വഴിയാണ് പണം കണ്ടെത്തി നിർമ്മാണം ആരംഭിക്കുന്നത്. കല്ലിശ്ശേരിയിൽ 15 ലക്ഷം കപ്പാസിറ്റിയുള്ള ഓവർഹെഡ് ടാങ്കുകളും, പമ്പയാറ്റിൽ നിന്ന് 1500 മീറ്റർ പമ്പിംഗ് ലൈനും പദ്ധതിയുടെ ഭാഗമായി നടപ്പാക്കും. നിലവിലുള്ള ഡിസ്ട്രിബ്യൂഷൻ ലൈൻ കൂടാതെ 17 കിലോമീറ്റർ ദൈർഘ്യത്തിൽ പുതിയ ഡിസ്ട്രിബ്യൂഷൻ ലൈൻ സ്ഥാപിക്കും. കൂടാതെ പമ്പ്‌സെറ്റ്, പമ്പ്ഹൗസ്, ഹൗസ് കണക്ഷൻ എന്നിവയും ഇതിന്റെ ഭാഗമായി നടപ്പാക്കും.വാട്ടർ അതോറിറ്റി ടെൻഡർ നൽകി കഴിഞ്ഞു.തിരുവൻവണ്ടൂർ പഞ്ചായത്തിലെ മുഴുവൻ വീടുകളിലും ഇതിന്റെ പ്രയോജനം ലഭിക്കും.രണ്ട് വർഷം കൊണ്ട് നിർമ്മാണ പ്രവർത്തനം പൂർത്തീകരിക്കാനാണ് ലക്ഷ്യമിടുന്നത്.

9.19 കോടി രൂപചെലവ്

----------------------------------
മാന്നാർ-ചെന്നിത്തല കുടിവെള്ള പദ്ധതിക്ക് അനുമതി

ചെങ്ങന്നൂർ : മണ്ഡലത്തിൽ മാന്നാർ പഞ്ചായത്തിന് 34.54 കോടി രൂപയുടെ ഡിസ്ട്രിബ്യൂഷൻ ലൈനും, ചെന്നിത്തല പഞ്ചായത്തിൽ 30.36 രൂപയുടെ ഡിസ്ട്രിബ്യൂഷൻ ലൈനും സ്ഥാപിക്കുന്നതിനുള്ള ഭരണാനുമതി ലഭിച്ചു. ഇതിൽ ആദ്യഘട്ടമായി മാന്നാറിന് 4 കോടി രൂപയും, ചെന്നിത്തലക്ക് മൂന്നരക്കോടിക്കുമുള്ള ഡിസ്ട്രിബ്യൂഷൻ ലൈൻ ടെൻഡർ പൂർത്തീകരിച്ചുകഴിഞ്ഞു. ബാക്കിയുള്ള തുകയ്ക്ക് ഈ മാസം അവസാനത്തോടുകൂടി ടെൻഡർ നടപ്പാക്കുന്നതിനുള്ള നടപടി പൂർത്തീകരിച്ചു കഴിഞ്ഞു. മാന്നാർ-ചെന്നിത്തല പഞ്ചായത്തുകളിലെ എല്ലാ പ്രദേശങ്ങളിലും കുടിവെള്ള എത്തിക്കുന്നതിനും ബഹുഭൂരിപക്ഷം വീടുകളിലും കണക്ഷൻ ലഭിക്കുന്നതിനും ഇതുവഴി സാദ്ധ്യമാകും.

ചെങ്ങന്നൂർ സമ്പൂർണ കുടിവെള്ള പദ്ധതിയുടെ ആദ്യഘട്ടം

ചെങ്ങന്നൂർ സമ്പൂർണ കുടിവെള്ള പദ്ധതിയുടെ ആദ്യഘട്ട പ്രവർത്തനം മുളക്കുഴ നികരുംപുറത്ത് ആരംഭിച്ചു കഴിഞ്ഞു. 199.68 കോടി ചിലവഴിച്ച് മുളക്കുഴ, വെണ്മണി, ആല, ചെറിയനാട്, പുലിയൂർ, ബുധനൂർ, പാണ്ടനാട് എന്നീ പഞ്ചായത്തുകളിലും ചെങ്ങന്നൂർ നഗരസഭയിലുമായിട്ടാണ് പദ്ധതി നടപ്പാക്കുന്നത്. മേൽവിവരിച്ച പദ്ധതികൾ യാഥാർത്ഥ്യമാകുമ്പോൾ ഏകദേശം 35000 കുടുംബങ്ങൾക്കും ലക്ഷക്കണക്കിന് ജനങ്ങൾക്കും കുടിവെള്ളം യാഥാർത്ഥ്യമാകും. ചെങ്ങന്നൂർ മണ്ഡലത്തിൽ സമ്പൂർണ കുടിവെള്ള പദ്ധതിക്കുവേണ്ടി 10 പഞ്ചായത്തുകളിലും നഗരസഭയിലുമായി 273.77 കോടി രൂപ സർക്കാർ ചെലവഴിക്കും.

മാന്നാർ പഞ്ചായത്തിന് 34.54 കോടി,

ചെന്നിത്തല പഞ്ചായത്തിന് 30.36