കൊല്ലം: വീട്ടിൽ വിൽപ്പനയ്ക്ക് സൂക്ഷിച്ചിരുന്ന പത്ത് ലിറ്റർ വിദേശ മദ്യം എക്സൈസ് പിടികൂടി. പുനലൂർ ഇടമൺ ശാസ്ത്രി ജംഗ്ഷനിലെ കനാൽ പുറമ്പോക്ക് ഫൈസൽ മൻസിലിൽ എലി സജീവ് എന്ന സജീവിന്റെ വീട്ടിനുളളിലെ അടുക്കളയിൽ സൂക്ഷിച്ചിരുന്ന വിദേശ മദ്യമാണ് പുനലൂരിലെ എക്സൈസ് സർക്കിൾ ഓഫീസിലെ ഉദ്യോഗസ്ഥർ പിടിച്ചെടുത്തത്. സംഭവ സമയത്ത് വീടിന്റെ അടുക്കള തുറന്ന് കിടന്നെങ്കിലും ആരും ഉണ്ടായിരുന്നില്ല. സജീവിനെതിരെ കേസ് എടുത്തു. നിരവധി അബ്കാരി കേസുകളിൽ പ്രതിയാണ് സജീവെന്നും ഉദ്യോഗസ്ഥർ അറിയിച്ചു. പ്രിവന്റീവ് ഓഫീസർമാരായ കെ.പി.ശ്രീകുമാർ, വൈ.ഷിഹാബുദ്ദീൻ, സി.ഇ.ഒമാരായ നിനീഷ്, സാബു തുടങ്ങിയവരുടെ നേതൃത്വത്തിലാണ് മദ്യ ശേഖരം പിടികൂടിയത്..