തൊ​ടി​യൂർ: ഇ​ട​ക്കു​ള​ങ്ങ​ര എ​ഫ്‌​.സി​.ഐ ഡി​പ്പോ​യി​ലെ ജീ​വ​ന​ക്കാർ​ക്കും തൊ​ഴി​ലാ​ളി​കൾ​ക്കും ന​ട​ത്താൻ തീ​രു​മാ​നി​ച്ചി​രു​ന്ന കൊ​വി​ഡ് പ​രി​ശോ​ധ​ന എ​ഫ് .സി .ഐ അ​ധി​കൃ​ത​രു​ടെ നി​സ​ഹ​ക​ര​ണം മൂ​ലം മു​ട​ങ്ങി​യ​താ​യി ആ​രോ​ഗ്യ വ​കു​പ്പ് അ​ധി​കൃ​തർ. തൊ​ടി​യൂർ പ​ഞ്ചാ​യ​ത്തിൽ പ്ര​വർ​ത്തി​ക്കു​ന്ന വെ​യർ​ഹൗ​സിം​ഗ് കോർ​പ്പ​റേ​ഷൻ ഡി​പ്പോ, ബി​വേ​ജ​സ് ഔ​ട്ട് ലെ​റ്റ് എ​ന്നീ സ്ഥാ​പ​ന​ങ്ങ​ളി​ലെ നി​ര​വ​ധി ജീ​വ​ന​ക്കാ​രും തൊ​ഴി​ലാ​ളി​ക​ളും കൊവി​ഡ് പോ​സി​റ്റീ​വാ​യി​രു​ന്നു.ഇ​വർ എ​ഫ്‌​.സി.ഐ തൊ​ഴി​ലാ​ളി​ക​ളു​മാ​യി നി​ര​ന്ത​രം ​ബ​ന്ധ​പ്പെ​ട്ടി​രു​ന്ന സാ​ഹ​ച​ര്യ​ത്തിൽ ആർ. രാ​മ​ച​ന്ദ്രൻ എം.എൽ.എയുടെ നിർ​ദ്ദേ​ശ​പ്ര​കാ​ര​മാ​യി​രു​ന്നു എ​ഫ് .സി .ഐ തൊ​ഴി​ലാ​ളി​കൾ​ക്കും ജീ​വ​ന​ക്കാർ​ക്ക് പ​രി​ശോ​ധ​ന ന​ട​ത്താൻ തീ​രു​മാ​നി​ച്ച​ത്. തു​ടർ​ന്ന് എ​ഫ് .സി .ഐ അ​ധി​കൃ​ത​രെ വി​വ​രം അ​റി​യി​ക്കു​ക​യും ആ​ധാർ രേ​ഖ​കൾ ശേ​ഖ​രി​ക്കു​ക​യും ചെ​യ്​തു. തൊ​ടി​യൂർ പി .എ​ച്ച്. സി യു​ടെ കീ​ഴി​ലു​ള്ള മാ​രാ​രി​ത്തോ​ട്ടം സ​ബ് സെന്റ​റിൽ 5​നാ​യി​രു​ന്നു പ​രി​ശോ​ധ​ന​നി​ശ്ച​യി​ച്ചി​രു​ന്ന​ത്. ഇ​തി​നു​ള്ള​ക്ര​മീ​ക​ര​ണ​ങ്ങ​ളും അ​വി​ടെ സ​ജ്ജീ​ക​രി​ച്ചി​രു​ന്നു. എ​ന്നാൽ എ​ഫ് .സി .ഐ യിൽ വ​ച്ച് ത​ന്നെ പ​രി​ശോ​ധന​ ന​ടത്ത​ണ​മെ​ന്ന നി​ല​പാ​ടാ​ണ് എ​ഫ്‌​.സി.​ഐ മാ​നേ​ജർ സ്വീ​ക​രി​ച്ച​ത്.ഇ​തി​നു​ള​ള സാ​ങ്കേ​തി​ക ബു​ദ്ധി​മു​ട്ടു​കൾ ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥർ അ​ദ്ദേ​ഹ​ത്തോ​ട് വി​ശ​ദീ​ക​രി​ക്കു​ക​യും സ​ബ് സെന്റ​റിൽ ന​ട​ക്കു​ന്ന പ​രി​ശോ​ധ​ന​യു​മാ​യി സ​ഹ​ക​രി​ക്ക​ണ​മെ​ന്ന​റി​യി​ക്കു​ക​യും ചെ​യ്​തു. എ​ന്നാൽ സ​ബ് സെന്റ​റിൽ ന​ട​ന്ന പ​രി​ശോ​ധ​ന​യ്​ക്ക് എഫ്.സി.ഐയിൽ നി​ന്ന് ഒ​രാ​ളും എ​ത്തി​യി​ല്ല. എം .എൽ. എ, ക​രു​നാ​ഗ​പ്പ​ള്ളി എ​സ് .എ​ച്ച് .ഒ,അ​രോ​ഗ്യ വ​കു​പ്പ് അ​ധി​കാ​രി​കൾ എ​ന്നി​വ​രെ വി​വ​രം അ​റി​യി​ച്ചതായി പ്രാ​ഥ​മി​കാ​രോ​ഗ്യ​കേ​ന്ദ്രം ഉ​ദ്യോ​ഗ​സ്ഥർ അ​റി​യി​ച്ചു.