 സ്ഥാപന ഉടമ കസ്റ്റഡിയിൽ

കൊ​ട്ടി​യം: പ​ട്ടി​ക​ജാ​തി യു​വാ​വി​നെ ത​ട്ടി​ക്കൊ​ണ്ടുപോ​യി മർദ്ദിക്കുകയും മു​ദ്ര​ക്ക​ട​ലാ​സു​ക​ളിൽ ഒ​പ്പി​ടീ​ക്കാൻ ശ്ര​മിച്ചതായും പരാതി. കൊ​ട്ടി​യം ഒ​റ്റ​പ്ലാ​മൂ​ട് ഷാ​ബു ഭ​വ​നിൽ ഷാ​ബുവിനെയാണ് (24) ര​ണ്ട് വാ​ഹ​ന​ങ്ങ​ളി​ലാ​യി എ​ത്തി​യ സം​ഘം വീ​ടി​ന് സ​മീ​പ​ത്ത് നി​ന്ന് ത​ട്ടി​ക്കൊ​ണ്ടുപോ​യ​ത്. സംഭവവുമായി ബന്ധപ്പെട്ട് ഷാബു നേരത്തെ ജോലി നോക്കിയിരുന്ന സ്ഥാപനത്തിന്റെ ഉടമയെ പൊലീസ് കസ്റ്റഡിയിലെടുത്തതായാണ് സൂചന.

ഇന്നലെ പു​ലർ​ച്ചെ​യാ​ണ് നാടകീയമായ സം​ഭ​വങ്ങൾ അരങ്ങേറിയത്. യുവാവിന്റെ വീട്ടിലെത്തിയ സ്ഥാപന ഉടമ ചി​ല മു​ദ്ര​ക്ക​ട​ലാ​സു​കൾ കാട്ടി ഒ​പ്പി​ട​ണ​മെ​ന്ന് ആ​വ​ശ്യ​പ്പെ​ട്ടു. സ​ഹ​ക​രി​ക്കാ​തെ വ​ന്ന​തോ​ടെ വീ​ട്ടു​കാ​രെ​യുൾ​പ്പെ​ടെ ഭീ​ഷ​ണി​പ്പെ​ടു​ത്തി​യ ശേ​ഷം ഇയാൾ പു​റ​ത്തേ​ക്ക് പോ​യി. തുടർന്ന് റോ​ഡുവ​ക്കിൽ വാ​ഹ​ന​ത്തിൽ കാത്തുനിന്ന സം​ഘം ജിം​നേ​ഷ്യ​ത്തിൽ പോ​കുന്നതിനിടെ ഷാ​ബു​വി​നെ ബ​ലം പ്ര​യോ​ഗി​ച്ച് ക​ട​ത്തി​ക്കൊ​ണ്ട് പോ​വു​ക​യാ​യി​രു​ന്നു.

വി​വ​ര​മ​റി​ഞ്ഞ് വീട്ടുകാർ കൊ​ട്ടി​യം പൊ​ലീ​സിൽ പ​രാ​തി നൽ​കി. പൊ​ലീ​സ് അ​ന്വേ​ഷ​ണം ഊർ​ജ്ജി​ത​മാ​ക്കി​യ​തോ​ടെ രാവിലെ പത്ത് മണിയോടെ സം​ഘം യു​വാ​വി​നെ ചാ​ത്ത​ന്നൂർ പൊ​ലീ​സ് സ്‌റ്റേ​ഷ​ന് സമീപം എ​ത്തി​ച്ചശേ​ഷം ക​ട​ന്നു. വി​വ​ര​മ​റി​ഞ്ഞ് ചാ​ത്ത​ന്നൂ​രിൽ എത്തി​യ കൊ​ട്ടി​യം പൊ​ലീ​സ് ഷാ​ബു​വി​നെ കൊ​ട്ടി​യ​ത്തേ​ക്ക് കൊ​ണ്ടു​വ​രികയായിരുന്നു.

ജോലിയിൽ നി​ന്ന് മാ​റി​യ​തി​ലു​ള്ള നീ​ര​സ​ത്തിൽ ത​ന്നെ പ​ണ​മി​ട​പാ​ടു​ക​ളിൽ കു​രു​ക്കി ക​ള്ള​ക്കേ​സ് ഉ​ണ്ടാ​ക്കാ​നു​ള്ള ശ്ര​മ​മാ​ണ് സ്ഥാപന ഉടമ ന​ട​ത്തി​യ​തെ​ന്ന് ഷാ​ബു പ​റ​യു​ന്നു. വാ​ഹ​ന​ത്തിൽ ക​ട​ത്തി​ക്കൊണ്ടുപോ​യ ത​ന്നെ ആ​ധാ​രം എ​ഴു​ത്തു​കാ​ര​ന്റെ​യും വ​ക്കീ​ലി​ന്റെ​യും വീ​ടു​ക​ളിൽ എ​ത്തി​ച്ച് ചി​ല പേ​പ്പ​റു​ക​ളിൽ ഒ​പ്പി​ടാൻ നിർ​ബ​ന്ധി​ച്ചു. വ​ഴ​ങ്ങാ​തെ വ​ന്നതോടെ ഭീ​ഷ​ണി​പ്പെ​ടു​ത്തു​ക​യും മർ​ദ്ദി​ക്കു​ക​യും ചെ​യ്തു. ഒ​ടു​വിൽ വ​ക്കീൽ പ​റ​ഞ്ഞ​ത​നു​സ​രി​ച്ചാ​ണ് ചാ​ത്ത​ന്നൂർ എത്തി​ച്ച് സ്ഥലംവിട്ടതെന്ന് ഷാ​ബു പറഞ്ഞു.