കുണ്ടറ: കൊവിഡ് ബാധിച്ച് ജില്ലാ ആശുപത്രിയിൽ ചികിത്സയിലായിരുന്ന കുമ്പളം സ്വദേശി മരിച്ചു. കുമ്പളം ഹരിത സ്‌റ്റോർ ഉടമ അതുൽ ഭവനത്തിൽ വി. തോമസാണ് (60) മരിച്ചത്. 22ന് പനി ലക്ഷണങ്ങളുമായി പടപ്പക്കര പി.എച്ച് സബ് സെന്ററിൽ ചികിത്സ തേടിയിരുന്നു. കൊവിഡ് പരിശോധന പോസിറ്റീവായതോടെ ജില്ലാ ആശുപത്രിയിലേക്ക് കൊണ്ടുപോയി. രോഗം മൂർച്ഛിച്ചതോടെ ഐ.സി.യു.വിൽ പ്രവേശിപ്പിച്ചു. വെന്റിലേറ്ററിൽ ചികിത്സ തുടരുന്നതിനിടെ ബുധനാഴ്ച വൈകിട്ട് 4.30 ഓടെ മരിച്ചു. ഭാര്യ: ലൈല. മക്കൾ: അതുൽ, അലീന.