തിരുവനന്തപുരം: പാർട്ടി ഓഫീസിനായി വാങ്ങിയ സ്ഥലത്തെ കെട്ടിടത്തിൽ ആശാപ്രവർത്തകയായ പാർട്ടി അംഗം ജീവനൊടുക്കിയ സംഭവത്തിൽ പൊലീസ് വിശദമായ അന്വേഷണം തുടങ്ങി. അഴകിക്കോണം മേക്കെ ഭാഗത്ത് പുത്തൻവീട്ടിൽ ശ്രീകുമാറിന്റെ ഭാര്യ ആശയെയാണ് (40)​ ഇന്നലെ സി.പി.എം ചെങ്കൽ ലോക്കൽ കമ്മിറ്റിക്ക് വേണ്ടി വാങ്ങിയ അഴകിക്കോണത്ത് കെട്ടിടത്തിൽ മരിച്ച നിലയിൽ കണ്ടത്. കൊവിഡ് പരിശോധനയ്ക്ക് ശേഷം ആശയുടെ മൃതദേഹം ഇന്ന് പോസ്റ്റുമോർട്ടത്തിന് വിധേയമാകുന്നതോടെ സംഭവത്തിൽ കൂടുതൽ വ്യക്തതവരുമെന്ന് പൊലീസ് പറഞ്ഞു.

ആശ എഴുതിയതെന്ന് കരുതുന്ന കുറിപ്പിന്റെ അടിസ്ഥാനത്തിൽ സംഭവം ആത്മഹത്യയാണെന്നാണ് പൊലീസിന്റെ നിഗമനം. ആത്മഹത്യാക്കുറിപ്പ് കൈയക്ഷര പരിശോധനയ്ക്കായി ഫോറൻസിക് ലാബിലേക്ക് അയച്ചിരിക്കുകയാണ്. കത്ത് ആശയുടേതാണെന്ന് ഉറപ്പാക്കിയശേഷം കത്തിന്റെ ഉള്ളടക്കം അടിസ്ഥാനപ്പെടുത്തി വിശദമായ അന്വേഷണവും തുട‌ർ നടപടികളും കൈക്കൊള്ളുമെന്ന് അന്വേഷണത്തിന് മേൽനോട്ടം വഹിക്കുന്ന നെയ്യാറ്റിൻകര ഡിവൈ.എസ്.പി അനിൽകുമാർ അറിയിച്ചു.

ചെങ്കൽ പഞ്ചായത്തിലെ ആശാ വർക്കറായ ആശ കഴിഞ്ഞ പതിനഞ്ച് വർഷമായി പാർട്ടി അംഗമായി പ്രവർത്തിച്ച് വരികയാണ്. ഇവർ കഴിഞ്ഞ ദിവസം പാറശാല പാർട്ടി ഓഫിസിൽ നടന്ന കമ്മിറ്റിയിൽ പങ്കെടുത്തിരുന്നതായി നാട്ടുകാർ പറയുന്നു. കഴിഞ്ഞ ദിവസം പാർട്ടി മീറ്റിംഗിൽ നടന്ന ചില കാര്യങ്ങളിൽ ആശയ്ക്കുണ്ടായ മനോവിഷമമാണ് മരണ കാരണമെന്നാണ് ബന്ധുക്കൾ ആരോപിക്കുന്നത്. രാത്രിയോടെ ആശയെ കാണാതായതിനെ തുടർന്ന് ബന്ധുക്കൾ നടത്തിയ അന്വേഷണത്തിനൊടുവിലാണ് ആശയെ തൂങ്ങിമരിച്ച നിലയിൽ കണ്ടെത്തിയത്.

ആദ്യ പേജിൽ മരണകാരണം എന്ന തലക്കെട്ടിലാണ് പാർട്ടി നേതൃത്വത്തിനെതിരെ ആരോപണം ഉന്നയിച്ചിട്ടുള്ളത്. മൃതദേഹത്തിന് സമീപത്തുണ്ടായിരുന്ന പഴ്‌സിൽനിന്നാണ് ആത്മഹത്യാക്കുറിപ്പ് കണ്ടെത്തിയത്.

ലോക്കൽ കമ്മിറ്റിയുടെ ഉടമസ്ഥതയിലുള്ള കെട്ടിടത്തിൽ ആശയുടെ മരണവും നേതാക്കൾക്കെതിരെയുള്ള ആത്മഹത്യാക്കുറിപ്പും പാർട്ടി പ്രാദേശിക നേതൃത്വത്തെ പ്രതിരോധത്തിലാക്കിയിരിക്കുകയാണ്.

മൃതദേഹം കണ്ടെത്തിയപ്പോൾ കടബാദ്ധ്യത കാരണമാകാം ആശ ആത്മഹത്യചെയ്തതെന്നാണ് സി.പി.എം പ്രാദേശിക നേതൃത്വം പറഞ്ഞിരുന്നത്. ആത്മഹത്യാക്കുറിപ്പ് കണ്ടെത്തിയപ്പോൾ പ്രാദേശിക നേതൃത്വം ആദ്യം പ്രതികരിച്ചില്ല.

ആത്മഹത്യാക്കുറിപ്പിൽ പരാമർശിച്ചിട്ടുള്ള വിഷയത്തിൽ പാർട്ടി പരിശോധന നടത്തുമെന്നും ഇതു സംബന്ധിച്ച് യാതൊരു പരാതിയും പാർട്ടി കമ്മിറ്റികൾക്ക് ലഭിച്ചിട്ടില്ലെന്നും സി.പി.എം പാറശ്ശാല ഏരിയാ സെക്രട്ടറി അജയകുമാർ പറഞ്ഞു.

ചെങ്ക​ൽ​ ​പ​ഞ്ചാ​യ​ത്തി​ലെ​ ​ഉ​ദി​യ​ൻ​കു​ള​ങ്ങ​ര​ ​വാ​ർ​ഡി​ൽ​ ​സ്വ​ത​ന്ത്ര​ ​സ്ഥാ​നാ​ർ​ത്ഥി​യാ​യി​ ​മ​ത്സ​രി​ച്ച് ​പ​രാ​ജ​യ​പ്പെ​ട്ടെ​ങ്കി​ലും​ ​പി​ന്നീ​ട് ​സി.​പി.​എം​ ​പ​ക്ഷ​ത്തേ​ക്ക് ​മാ​റി​യ​ ​ഇ​വ​ർ​ ​അ​ന്ന് ​മു​ത​ൽ​ ​പാ​ർ​ട്ടി​ ​പ്ര​വ​ർ​ത്ത​ക​യാ​യി.​ ​സി.​പി.​എം​ ​വാ​ർ​ഡ് ​മെ​മ്പ​റു​ടെ​ ​സ​ഹാ​യി​യാ​യി​രു​ന്നു.​ ​സി.​പി.​എം​ ​വാ​ർ​ഡ് ​മെ​മ്പ​ർ​ക്ക് ​നേ​രെ​ ​മോ​ശം​ ​പ​രാ​മ​ർ​ശം​ ​ന​ട​ത്തി​യ​ ​സ്വ​ത​ന്ത്ര​ ​അം​ഗ​ത്തെ​ ​പ​ഞ്ചാ​യ​ത്ത് ​ക​മ്മി​റ്റി​ ​യോ​ഗം​ ​ന​ട​ക്കു​ന്ന​ ​സ്ഥ​ല​ത്തെ​ത്തി​ ​കൈ​യേ​റ്റം​ ​ചെ​യ്യാ​നും​ ​ആ​ശ​ ​ത​യ്യാ​റാ​യി​രു​ന്നു.​ ​സി.​പി.​എ​മ്മി​നോ​ട് ​കാ​ട്ടി​യ​ ​ആ​ത്മാ​ർ​ത്ഥ​ത​ ​കാ​ര​ണമാ​ണ് ​ക​ഴി​ഞ്ഞ​ ​ത​ദ്ദേ​ശ​ ​തി​ര​ഞ്ഞെ​ടു​പ്പി​ൽ​ ​പാ​ർ​ട്ടി​ ​നി​ർ​ദ്ദേ​ശ​പ്ര​കാ​രം​ ​മാ​റി​ ​നി​ന്ന​ത്.​ ​ഇ​ത്ത​വ​ണ​ ​പാ​ർ​ട്ടി​ ​സീ​റ്റ് ​ഉ​റ​പ്പാ​യി​രു​ന്നെ​ങ്കി​ലും​ ​മ​റ്റൊ​രു​ ​മു​ൻ​ ​മെ​മ്പ​റു​ടെ​ ​മ​ക​ൾ​ക്ക് ​വേ​ണ്ടി​ ​സീ​റ്റ് ​മാ​റ്റി​ ​വ​യ്ക്കാ​നു​ള്ള​ ​പാ​ർ​ട്ടി​ ​തീ​രു​മാ​ന​വും​ ​പാ​ർ​ട്ടി​യു​ടെ​ ​മ​റ്റ് ​അം​ഗ​ങ്ങ​ളി​ൽ​ ​നി​ന്നു​ണ്ടാ​യ​ ​മാ​ന​സി​ക​ ​പീ​ഡ​ന​ങ്ങ​ളു​മാ​ണ് ​ആ​ശ​യെ​ ​ത​ള​ർ​ത്തി​യ​ത്.​ ​തു​ട​ർ​ന്ന് ​ആ​ശ​ ​പാ​ർ​ട്ടി​യി​ലെ​ ​മേ​ൽ​ ​ഘ​ട​ക​ങ്ങ​ളി​ൽ​ ​പ​ല​ത​വ​ണ​ ​പ​രാ​തി​പ്പെ​ട്ടെ​ങ്കി​ലും​ ​അ​വി​ടെ​യും​ ​അ​വ​ഗ​ണ​ ​ആ​വ​ർ​ത്തി​ച്ചു.​ ​പാ​ർ​ട്ടി​ക്ക് ​ന​ൽ​കി​യ​ ​പ​രാ​തി​യി​ൽ​ ​ക​ഴി​ഞ്ഞ​ ​ദി​വ​സം​ ​പാ​റ​ശാ​ല​ ​ഓ​ഫീ​സി​ൽ​ ​ന​ട​ന്ന​ ​ച​ർ​ച്ച​യി​ൽ​ ​വാ​ർ​ഡ് ​മെ​മ്പ​റോ​ടൊ​പ്പം​ ​പ​ങ്കെ​ടു​ത്തെ​ങ്കി​ലും​ ​ഇ​വി​ടെ​യും​ ​നേ​രി​ട്ട​ ​അ​വ​ഗ​ണ​ന​ ​ആ​ശ​യെ​ ​കൂ​ടു​ത​ൽ​ ​മാ​ന​സി​ക​ ​സം​ഘ​ർ​ഷ​ത്തി​ലാ​ക്കി​യെ​ന്ന് ​ബ​ന്ധു​ക്ക​ൾ​ ​ആ​രോ​പി​ക്കു​ന്നു.​