പുത്തൂർ: പുത്തൂരിലും പരിസര പ്രദേശങ്ങളിലും തെരുവുനായ ശല്യം രൂക്ഷമാകുന്നു. പുത്തൂർ പൊലീസ് സ്റ്റേഷൻ, പടിഞ്ഞാറേ ചന്ത, അലയ്ക്കൽമുക്ക് എന്നിവടങ്ങളിൽ ജനങ്ങൾക്ക് നായകളുടെ ശല്യം കാരണം ഇറങ്ങിനടക്കാൻ വയ്യാത്ത അവസ്ഥയാണ്.ഇരുചക്ര വാഹനങ്ങളിലെത്തുന്ന പാൽവിതരണക്കാരെയും പത്രവിതരണക്കാരെയും നായകൾ ആക്രമിക്കുന്നത് നിത്യസംഭവമാണ്. എത്രയുംപെട്ടെന്ന് തെരുവനായശല്യം ഒഴിവാക്കാൻ നടപടി സ്വീകരിക്കണമെന്നാവിശ്യപ്പെട്ട് കഴിഞ്ഞ ദിവസം പുത്തൂർ ടൗൺ ക്ലബിന്റെ നേതൃത്വത്തിൽ പരാതി നൽകിയിരുന്നു.