പു​ന​ലൂർ: ശു​ചി​ത്വ പ​ദ്ധ​തി​യിൽ ജി​ല്ല​യിൽ പു​ന​ലൂർ ന​ഗ​ര​സ​ഭ ഒ​ന്നാം​സ്ഥാ​നം ക​ര​സ്ഥ​മാ​ക്കി. സം​സ്ഥാ​ന ഹ​രി​ത കേ​ര​ള മി​ഷൻ ന​ട​ത്തി​യ പ​രി​ശോ​ധ​ന​യിൽ 90 ശ​ത​മാ​നം മാർ​ക്ക് നേ​ടി​യാ​ണ് പു​ന​ലൂർ ന​ഗ​ര​സ​ഭ ജി​ല്ല​യിൽ ഒ​ന്നാം സ്ഥാ​ന​ത്തെ​ത്തി​യ​ത്.മാ​ലി​ന്യ സം​സ്​ക​ര​ണ​ത്തിൽ വീ​ടു​കൾ കേ​ന്ദ്രീ​ക​രി​ച്ചും പ്ലാ​ച്ചേ​രി​യിൽ അ​ജൈ​വ മാ​ലി​ന്യ പ്ലാന്റ് സ്ഥാ​പി​ച്ചും തു​ട​രു​ന്ന പ്ര​വർ​ത്ത​ന രീ​തി​ക​ളാ​ണ് ന​ഗ​ര​സ​ഭയെ ജി​ല്ല​യിൽ ഒ​ന്നാം സ്ഥാ​ന​ത്തെ​ത്തി​ക്കാൻ മു​ഖ്യ​കാ​ര​ണ​മാ​യ​ത്. ഇ​ത് ക​ണ​ക്കി​ലെ​ടു​ത്ത് സീ​റോ​വേ​സ്​റ്റ് മു​നി​സി​പ്പാ​ലി​റ്റി​യാ​യി നേ​ര​ത്തെ പു​ന​ലൂ​രി​നെ പ്ര​ഖ്യാ​പി​ച്ചി​രു​ന്നു. ശു​ചി​ത്വ പ​ദ്ധ​തി​യിൽ ഇ​പ്പോൾ ഒ​ന്നാം സ്ഥാ​ന​ത്തെ​ത്തി​യ​ത് ക​ണ​ക്കി​ലെ​ടു​ത്ത് ലോ​ക​ബാ​ങ്കി​ന്റെ ഗ്രാന്റാ​യി പ​ത്ത് കോ​ടി രൂ​പ അ​നു​വ​ദി​ച്ചി​ട്ടു​ണ്ടെ​ന്ന് ന​ഗ​ര​സ​ഭ ചെ​യർ​മാൻ കെ.എ ല​ത്തീ​ഫ് അ​റി​യി​ച്ചു.

ഗ്രാന്റാ​യി ല​ഭി​ക്കു​ന്ന തു​ക ശു​ചി​ത്വ പ​രി​പാ​ടി​കൾ​ക്ക് മാ​ത്രം ചെ​ല​വ​ഴി​ക്കും. തു​ക ല​ഭി​ക്കു​ന്ന​തി​ന് ആ​വ​ശ്യ​മാ​യ എ​ഗ്രി​മെന്റ് അ​ട​ക്ക​മു​ള്ള ന​ട​പ​ടി​കൾ പൂർ​ത്തി​യാ​യെ​ന്നും അ​ടു​ത്തു​ത​ന്നെ തു​ക ല​ഭി​ക്കു​മെ​ന്നും അ​ദ്ദേ​ഹം പ​റ​ഞ്ഞു. തു​ക ല​ഭി​ക്കു​ന്ന​തോ​ടെ ന​ഗ​ര​സ​ഭ​യി​ലെ എ​ല്ലാ​വാർ​ഡു​ക​ളി​ലും പാ​ത​യോ​ര​ത്തെ മാ​ലി​ന്യ നി​ക്ഷേ​പം ക​ണ്ടു​പി​ടി​ക്കു​ന്ന​തി​ന് പ്ര​ധാ​ന കേ​ന്ദ്ര​ങ്ങ​ളിൽ സി.സി.ടി.വി കാ​മ​റ​കൾ സ്ഥാ​പി​ക്കു​ന്ന ത​ട​ക്ക​മു​ള്ള സം​വി​ധാ​ന​ങ്ങൾ സ​ജ്ജമാ​ക്കും. നി​ല​വിൽ ഡെ​സ്​റ്റ് ബി​ന്നു​കൾ അ​ട​ക്കം എ​ല്ലാ​യി​ട​ത്തും സ്ഥാ​പി​ച്ചി​ട്ടു​ണ്ട്. കൂ​ടാ​തെ മാ​ലി​ന്യ സം​സ്​ക​ര​ണം സം​ബ​ന്ധി​ച്ച്​ പൊ​തു​ജ​ന ബോ​ധ​വ​ത്​ക​ര​ണം, സെ​മി​നാ​റു​കൾ, പു​തി​യ പ്രോ​ജ​ക്ടു​കൾ തു​ട​ങ്ങി​യ​വ​യും ന​ട​പ്പി​ലാ​ക്കാൻ പ​ദ്ധ​തി​യി​ട്ടി​ട്ടു​ണ്ടെ​ന്നും ചെ​യർ​മാൻ വ്യ​ക്ത​മാ​ക്കി.