ചവറ : എസ്.എൻ.ഡി.പി യോഗം ചവറ യൂണിയന്റെ നേതൃത്വത്തിൽ ശ്രീനാരായണ ഗുരുദേവന്റെ 93-ാം മഹാസമാധി ദിനം കൊവിഡ് പ്രോട്ടോക്കോൾ പാലിച്ച് ഭക്തിനിർഭരമായി ആചരിച്ചു. ചവറ യൂണിയൻ അങ്കണത്തിൽ നടന്ന ചടങ്ങ് യൂണിയൻ സെക്രട്ടറി കാരയിൽ അനീഷ്‌ ഭദ്രദീപം തെളിച്ച് ഉദ്ഘാടനം ചെയ്തു. യൂണിയൻ പ്രസിഡന്റ് അരിനല്ലൂർ സഞ്ജയൻ, യൂണിയൻ വൈസ് പ്രസിഡന്റ ബി. ശശിബാബു, ബോർഡംഗം സുധാകരൻ, കൗൺസിലർമാരായ ഗണേശറാവു, ശ്രീകുമാർ, രഘു, മുരളീധരൻ, കാർത്തികേയൻ, മൈക്രോഫിനാൻസ് കോ ഒാർഡിനേറ്റർമാരായ മോഹനൻ നിഖിലം, ശോഭകുമാർ, യൂണിയൻ യുത്ത് മൂവമെന്റ് പ്രസിഡന്റ് റോഷാനന്ദ് എന്നിവർ പ്രാർത്ഥനയിൽ പങ്കെടുത്തു.