കരുനാഗപ്പള്ളി: തെ​റ്റ് തി​രു​ത്താനു​ള്ള പ്ര​കൃ​തി​യു​ടെ ആ​ഹ്വാ​ന​മാ​ണ് കൊവി​ഡെന്ന് മാതാ അ​മൃ​താ​ന​ന്ദ​മയി. 67-ാം ജന്മദിനത്തിന്റെ ഭാഗമായി അമൃതപുരിയിൽ നൽകിയ സന്ദേശത്തിലാണ് അമ്മ ഇങ്ങനെ പറഞ്ഞത്.'പ്ര​കൃ​തി എ​ത്ര​യോ മു​ന്ന​റി​യി​പ്പു​കൾ നൽകു​ന്നു, എ​ന്നാൽ മ​നു​ഷ്യർ അതൊന്നും മനസിലാക്കുന്നില്ല. തെ​റ്റാ​യ ശീ​ല​ങ്ങൾ ന​മ്മു​ടെ സ്വ​ഭാ​വ​മാ​യി മാ​റി. മ​നു​ഷ്യ​രാ​ശി കൊ​വിഡിന് മുൻ​പിൽ നി​സഹാ​യ​രാ​യി​ നിൽക്കുന്നു. ഇത് പ​ഴി​പ​റ​യ​ലി​നും കു​റ്റ​പ്പെ​ടു​ത്ത​ലി​നു​മു​ള്ള സ​മ​യ​മ​ല്ല, മ​റി​ച്ച് ധൈ​ര്യ​ത്തോ​ടും ജാ​ഗ്ര​ത​യോ​ടും ജ​ഡ​ത്വം വെ​ടി​ഞ്ഞ് ക്രി​യാ​ത്മ​ക​മാ​യി ധർ​മ്മ​ത്തി​ലു​റ​ച്ച കർ​മ്മ​ങ്ങ​ളിൽ വ്യാ​പൃ​ത​രാ​വു​ക​യാ​ണ് നാം വേ​ണ്ട​തെന്നും അ​മ്മ പ​റ​ഞ്ഞു.

കാ​രു​ണ്യ​ത്തി​ന്റെ ആ​വ​ശ്യം ഊ​ന്നി​പ്പ​റ​ഞ്ഞാ​ണ് അ​മ്മ അ​നു​ഗ്ര​ഹ പ്ര​ഭാ​ഷ​ണം ഉ​പ​സം​ഹ​രി​ച്ച​ത്. സ​ക​ല​രെ​യും ഒ​രു​പ​ക്ഷെ ന​മു​ക്ക് സ​ഹാ​യി​ക്കാൻ ക​ഴി​ഞ്ഞെന്ന് വ​രി​ല്ല. എ​ന്നാൽ ന​മു​ക്ക് ചു​റ്റു​മു​ള്ള കു​റ​ച്ചു പേ​രോ​ടെ​ങ്കി​ലും ന​മ്മു​ടെ കാ​രു​ണ്യം പ്ര​ക​ടി​പ്പി​ക്കാനാകണം. കൊവിഡിനെ ജ​യി​ക്കാൻ ശ​ക്തി​യു​ള്ള, ഈ 'കാ​രു​ണ്യ'​വൈ​റ​സാ​ണ് ഇ​ന്ന് ലോ​ക​ത്ത് പ​ട​രേ​ണ്ട​തെന്നും അമ്മ പറഞ്ഞു.

സാ​ധാ​ര​ണ​ ലോ​ക​മെ​മ്പാ​ടു​മു​ള്ള ല​ക്ഷ​ക്ക​ണ​ക്കി​ന് ഭ​ക്തർ അ​മൃ​ത​പു​രി​യി​ലേ​ക്ക് ഒ​ഴു​കി​യെ​ത്തു​ന്ന അ​വ​സ​ര​മാ​ണ് മാതാ അമൃതാനന്ദമയിയുടെ ജ​ന്മ​ദി​നം. എന്നാൽ ഇത്തവണ കൊവിഡിന്റെ പശ്ചാത്തലത്തിൽ ജന്മദിനം ആഘോഷങ്ങളും ആൾക്കൂട്ടവുമില്ലാതെ വിശ്വശാന്തിക്കായുള്ള പ്രാർത്ഥനാ യജ്ഞമായി ആചരിക്കുകയായിരുന്നു.

ലോ​ക​ശാ​ന്തി​ക്കാ​യു​ള്ള പ്രാർ​ത്ഥ​നാ സ​ങ്കല്പത്തി​ലും അ​മ്മ​യു​ടെ നേ​തൃ​ത്വ​ത്തിൽ എ​ല്ലാ​വ​രും പ​ങ്കാ​ളി​ക​ളാ​യി. അ​മൃ​ത​പു​രി ആ​ശ്ര​മ​ത്തി​ലെ അ​ന്തേ​വാ​സി​ക​ളോ​ടൊ​പ്പം ലോ​ക​ത്തി​ന്റെ വി​വി​ധ​ഭാ​ഗ​ങ്ങ​ളി​ലെ ഭ​ക്ത​രും അമ്മയ്ക്കൊപ്പം ധ്യാനമിരുന്നു.