കരുനാഗപ്പള്ളി : മുഖ്യമന്ത്രിയുടെ തദ്ദേശ റോഡ് വികസന പദ്ധതിയുടെ ഭാഗമായി അനുവദിച്ച റോഡുകളുടെ പുനരുദ്ധാരണ പ്രവർത്തനങ്ങൾക്ക് തുടക്കമായി. കരുനാഗപ്പള്ളി നഗരസഭയുടെ തീരമേഖലയിൽ മൂന്ന് റോഡുകളുടെ നിർമ്മാണോദ്ഘാടനമാണ് നടന്നത്. നഗരസഭ ഒന്നാം ഡിവിഷനിലെ ആലുംകടവ് - കാക്കത്തുരുത്ത് റോഡ് (15 ലക്ഷം)​, കവറാട്ട് മുക്ക് - വെളിയിൽ മുക്ക് റോഡ് (30 ലക്ഷം)​,​ മൂന്നാംമൂട് പള്ളിമുക്ക് റോഡ് (25 ലക്ഷം)​ തുടങ്ങിയവയാണ് പുനർനിർമ്മിക്കുന്നത്. 4 മാസം കൊണ്ട് നിർമ്മാണം പൂർത്തീകരിക്കും. റോഡുകളുടെ നിർമ്മാണോദ്ഘാടനം ആർ. രാമചന്ദ്രൻ എം.എൽ.എ നിർവഹിച്ചു. നഗരസഭാ ചെയർപേഴ്സൺ ഇ. സീനത്ത് അദ്ധ്യക്ഷത വഹിച്ചു. നഗരസഭാ പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ പി. ശിവരാജൻ,​ വൈസ് ചെയർമാൻ ആർ. രവീന്ദ്രൻ പിള്ള, കൗൺസിലർമാരായ ബി. രമണിയമ്മ, സുനിത സലിംകുമാർ, ബേബി ജസ്ന, അസിസ്റ്റന്റ് എൻജിനിയർ സിയാദ്, കെ.എസ്. ഷറഫുദ്ദീൻ മുസ്ലിയാർ, ഷാജഹാൻ, ഇന്ദുലേഖ, സുമേഷ്, ഉത്തമൻ, അഷ്‌റഫ്, രാജേശ്വരി ശ്രീകുമാർ തുടങ്ങിയവർ പങ്കെടുത്തു.