തൃശൂർ: ഒന്നരവർഷക്കാലം നാഥനില്ലാതെ ചില കോൺഗ്രസ് പ്രവർത്തകരും നേതാക്കളും വാക്കിലും പ്രവർത്തനത്തിലും പലവഴിക്ക് തിരിഞ്ഞപ്പോൾ മുതിർന്ന നേതാക്കൾ അവരുടെ ആവശ്യം കടുപ്പിച്ചു. തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് അടുത്തിരിക്കുമ്പോൾ അമരക്കാരൻ ഉടൻ ഉണ്ടാവണം.

മുൻ കെ.പി.സി.സി. പ്രസിഡന്റ് വി.എം സുധീരൻ അടക്കമുള്ളവരും കോൺഗ്രസ് നേതൃത്വത്തെ എതിർപ്പ് അറിയിച്ചു. ഐ ഗ്രൂപ്പിൽ തന്നെയുള്ള തർക്കം പ്രതിപക്ഷ നേതാവ് രമേശ് ചെന്നിത്തല ഇടപെട്ട് പരിഹരിച്ചു. ഒടുവിൽ, കോൺഗ്രസിന് ആവേശം പകർന്ന് നേതൃപദവിയിലേക്ക്, മുമ്പ് പറഞ്ഞുകേട്ട വിൻസെൻ്റിനെ തന്നെ നിയോഗിച്ചു. എ.ഐ.സി.സി. ജനറൽ സെക്രട്ടറി കെ.സി വേണുഗോപാലിന്റെ അടുത്ത അനുയായി കൂടിയായ എം.പി വിൻസെൻ്റിൻ്റെ പേര് ആദ്യം തൊട്ടേ ഉയർന്നുവന്നിരുന്നുവെങ്കിലും ചരടുവലികൾക്കിടയിൽ കുടുങ്ങി.

ഐ ഗ്രൂപ്പിലെ തന്നെ ഒരു വിഭാഗവും പ്രസിഡൻ്റ് സ്ഥാനത്തിനായി പിടിവലി കൂടി. ഇതിനിടെ, എ ഗ്രൂപ്പും പ്രസിഡൻ്റിൻ്റെ കസേരയ്ക്കായി അവകാശവാദവുമായെത്തി. ഗ്രൂപ്പ് രാഷ്ട്രീയവും ഗ്രൂപ്പുകൾക്കുള്ളിലെ ചരടുവലികളുമെല്ലാം കലങ്ങി മറിഞ്ഞതോടെ ഡി.സി.സി. പ്രസിഡന്റ് പ്രഖ്യാപനം നീണ്ടു. മാസങ്ങൾക്ക് മുമ്പ് കെ.പി.സി.സി ഭാരവാഹികളെ പ്രഖ്യാപിക്കുന്ന ഘട്ടത്തിൽ വിൻസെൻ്റിനെ ഡി.സി.സി പ്രസിഡൻ്റായി നിയമിച്ചുവെന്ന് തീരുമാനമായി പുറത്തുവന്നെങ്കിലും പ്രഖ്യാപിച്ചില്ല. വിൻസെൻ്റ് വീണ്ടും കാത്തിരുന്നു. ടി.എൻ പ്രതാപൻ എം.പിയായി തിരഞ്ഞെടുക്കപ്പെട്ട ശേഷം ഡി.സി.സിയുടെ അദ്ധ്യക്ഷ പദവി ഒഴിയുകയായിരുന്നു. കെ.പി.സി.സി വൈസ് പ്രസിഡന്റുമാരായ ഒ. അബ്ദുറഹ്മാൻകുട്ടിക്കും പത്മജ വേണുഗോപാലിനും ഡി.സി.സിയുടെ താത്കാലിക ചുമതല നൽകി തർക്കങ്ങൾക്ക് താത്കാലികശമനം വരുത്തി. രണ്ട് പ്രസിഡന്റുമാരെ നിയമിച്ച രീതിയെ മുതിർന്ന നേതാക്കൾ തന്നെ വിമർശിച്ചു. എതിർപ്പറിയിച്ച് പലരും സജീവ പ്രവർത്തനത്തിൽ നിന്ന് വിട്ടുനിൽക്കുമെന്ന് മുന്നറിയിപ്പ് നൽകി. ഒടുവിൽ അവർക്കെല്ലാം പ്രതീക്ഷ പകർന്ന് പ്രസിഡന്റിനെ നിയമിക്കുകയായിരുന്നു.

ഗ്രൂപ്പ് പോരിന് അന്ത്യമാകുമാേ ?

ഗ്രൂപ്പ് തർക്കങ്ങൾക്കും ചരടുവലികൾക്കും ശമനമുണ്ടായാൽ കോൺഗ്രസിനെ പിടിച്ചാൽ കിട്ടില്ലെന്ന് കരുതുന്നവരാണ് പ്രവർത്തകർ. എന്നാൽ പോയകാലങ്ങളിലെല്ലാം നേതാക്കളുടെ ഗ്രൂപ്പ് പോര് തിരഞ്ഞെടുപ്പ് സമയത്തും ശക്തമാവുന്ന കാഴ്ചയാണ്. ഉറപ്പിച്ച പല സീറ്റുകളും നഷ്ടപ്പെട്ടത് അങ്ങനെയാണ്. എന്നാൽ വിൻസെൻ്റിനെ നിയോഗിച്ചതിലൂടെ തമ്മിലടിക്കും പടലപ്പിണക്കത്തിനും അറുതി ഉണ്ടാകുമെന്നാണ് സംസ്ഥാന നേതൃത്വവും കണക്കുകൂട്ടുന്നത്. പാർട്ടിയെ നിലനിറുത്തണമെങ്കിൽ കഠിനാദ്ധ്വാനം വേണമെന്നും ഭിന്ന സ്വരങ്ങളുണ്ടാവുമ്പോൾ പ്രകടിപ്പിക്കേണ്ട വേദികളിൽ അഭിപ്രായം പറയണമെന്നും സ്ഥാനാരോഹണച്ചടങ്ങിൽ ടി.എൻ. പ്രതാപൻ പറഞ്ഞതും ഇത് മനസിൽ കണ്ടു കൊണ്ടാകണം. തീരുമാനമെടുത്താൽ എല്ലാവരും ഒന്നിച്ചു പോകണമെന്നും അതാണ് കോൺഗ്രസിന്റെ ശൈലിയെന്നും കോൺഗ്രസിൽ ഗ്രൂപ്പ് യാഥാർത്ഥ്യമാണെന്നും വ്യക്തമാക്കി പ്രതാപൻ പറഞ്ഞു.

ചു​മ​ത​ല​യേ​റ്റ് ​എം.​പി​ ​വി​ൻ​സെ​ന്റ്

തൃ​ശൂ​ർ​:​ ​ഡി.​സി.​സി​ ​പ്ര​സി​ഡ​ന്റാ​യി​ ​മു​ൻ​ ​എം.​എ​ൽ.​എ​ ​എം.​പി​ ​വി​ൻ​സെ​ന്റ് ​ചു​മ​ത​ല​യേ​റ്റു.​ ​രാ​വി​ലെ​ ​ലീ​ഡ​ർ​ ​സ്മൃ​തി​യി​ൽ​ ​പു​ഷ്പാ​ർ​ച്ച​ന​യ്ക്ക് ​ശേ​ഷം​ ​കോ​ൺ​ഗ്ര​സ് ​ക​മ്മി​റ്റി​ ​ആ​സ്ഥാ​ന​മാ​യ​ ​കെ.​ ​ക​രു​ണാ​ക​ര​ൻ​ ​സ​പ്ത​തി​ ​മ​ന്ദി​ര​ത്തി​ലെ​ത്തി​യാ​ണ് ​ചു​മ​ത​ല​യേ​ൽ​ക്ക​ൽ.​ ​കെ.​പി.​സി.​സി​ ​രാ​ഷ്ട്രീ​യ​കാ​ര്യ​ ​സ​മി​തി​യം​ഗം​ ​കൂ​ടി​യാ​യ​ ​ടി.​എ​ൻ​ ​പ്ര​താ​പ​ൻ​ ​എം.​പി​ ​സ​മ്മേ​ള​നം​ ​ഉ​ദ്ഘാ​ട​നം​ ​ചെ​യ്തു.​ ​പു​തി​യ​ ​തു​ട​ക്ക​മാ​ണ് ​ഇ​തെ​ന്നും​ ​ഭാ​രി​ച്ച​ ​ഉ​ത്ത​ര​വാ​ദി​ത്വ​മാ​ണ് ​വി​ൻ​സെ​ന്റി​നെ​ ​കാ​ത്തി​രി​ക്കു​ന്ന​തെ​ന്നും​ ​പ്ര​താ​പ​ൻ​ ​പ​റ​ഞ്ഞു.
ഇ​ന്ന​ലെ​ ​വ​രെ​യു​ള്ള​ ​വി​ൻ​സെ​ന്റി​നെ​യ​ല്ല​ ​ഇ​നി​ ​വേ​ണ്ട​ത്.​ ​കോ​ൺ​ഗ്ര​സി​ൽ​ ​ഗ്രൂ​പ്പ് ​യാ​ഥാ​ർ​ത്ഥ്യ​മാ​ണെ​ന്നും.​ ​അ​തി​ല്ലാ​തെ​ ​ക​ഴി​യി​ല്ലെ​ന്നും​ ​പ​റ​ഞ്ഞ​ ​പ്ര​താ​പ​ൻ,​ ​പ​ക്ഷേ,​ ​എ​ല്ലാ​വ​രെ​യും​ ​ഒ​ന്നി​ച്ച് ​കൂ​ട്ടി​ക്കൊ​ണ്ടു​ ​പോ​വാ​ൻ​ ​ക​ഴി​യ​ണ​മെ​ന്ന് ​വി​ൻ​സെ​ന്റി​നെ​ ​ഓ​ർ​മ്മി​പ്പി​ച്ചു.​ ​ഒ.​ ​അ​ബ്ദു​റ​ഹി​മാ​ൻ​കു​ട്ടി​ ​അ​ദ്ധ്യ​ക്ഷ​ത​ ​വ​ഹി​ച്ചു.​ ​കെ.​പി.​സി.​സി​ ​വൈ​സ് ​പ്ര​സി​ഡ​ന്റ് ​പ​ത്മ​ജ​ ​വേ​ണു​ഗോ​പാ​ൽ,​ ​അ​നി​ൽ​ ​അ​ക്ക​ര​ ​എം.​എ​ൽ.​എ,​ ​കെ.​പി.​സി.​സി​ ​ജ​ന​റ​ൽ​ ​സെ​ക്ര​ട്ട​റി​ ​അ​ബ്ദു​ൾ​ ​മു​ത്ത​ലി​ബ്,​ ​മു​ൻ​ ​മ​ന്ത്രി​ ​കെ.​പി​ ​വി​ശ്വ​നാ​ഥ​ൻ,​ ​ര​മ്യ​ ​ഹ​രി​ദാ​സ് ​എം.​പി,​ ​പി.​എ​ ​മാ​ധ​വ​ൻ,​ ​യു.​ഡി.​എ​ഫ് ​ചെ​യ​ർ​മാ​ൻ​ ​ജോ​സ​ഫ് ​ചാ​ലി​ശേ​രി,​ ​ഡി.​സി.​സി​ ​വൈ​സ് ​പ്ര​സി​ഡ​ന്റു​മാ​രാ​യ​ ​ജോ​സ് ​വ​ള്ളൂ​ർ,​ ​ജോ​സ​ഫ് ​ടാ​ജ​റ്റ്,​ ​രാ​ജേ​ന്ദ്ര​ൻ​ ​അ​ര​ങ്ങ​ത്ത്,​ ​ഐ.​പി.​പോ​ൾ,​ ​നി​ജി​ ​ജ​സ്റ്റി​ൻ​ ​തു​ട​ങ്ങി​യ​വ​ർ​ ​പ​ങ്കെ​ടു​ത്തു.

ആ​ള് ​കൂ​ടി​ ,​ ​പൊ​ലീ​സ് ​കേ​സ്

ചു​മ​ത​ല​യേ​ൽ​ക്ക​ൽ​ ​ച​ട​ങ്ങി​ൽ​ ​കൂ​ടു​ത​ൽ​ ​പേ​രെ​ ​പ​ങ്കെ​ടു​പ്പി​ച്ച​തി​ന് ​ഡി.​സി.​സി​ ​ഭാ​ര​വാ​ഹി​ക​ൾ​ക്കെ​തി​രെ​ ​ഈ​സ്റ്റ് ​പൊ​ലീ​സ് ​കേ​സെ​ടു​ത്തു.​ ​നൂ​റോ​ളം​ ​പേ​രാ​ണ് ​പ​ങ്കെ​ടു​ത്ത​ത്.​ ​അ​മ്പ​ത് ​പേ​രെ​ ​മാ​ത്ര​മാ​ണ് ​ക്ഷ​ണി​ച്ച​തെ​ന്നും​ ​മ​റ്റു​ള്ള​വ​ർ​ ​ത​ങ്ങ​ളു​ടെ​ ​അ​റി​വോ​ടെ​യ​ല്ല​ ​എ​ത്തി​യ​തെ​ന്നു​മാ​ണ് ​ഡി.​സി.​സി​ ​നേ​തൃ​ത്വം​ ​പ​റ​യു​ന്ന​ത്.