കയ്പമംഗലം: സബ് രജിസ്ട്രാർ ഓഫീസിലെ ബി.എസ്.എൻ.എൽ നെറ്റ്‌വർക്ക് സംവിധാനം തകരാറിലായതോടെ അപേക്ഷകർ പ്രതിസന്ധിയിലായി. മതിലകം സബ് രജിസ്ട്രാർ ഓഫീസിലാണ് ഇടയ്ക്കിടെ നെറ്റ് വർക്ക് സംവിധാനം പണിമുടക്കുന്നത്. ഇതുമൂലം കുടിക്കട സർട്ടിഫിക്കറ്റിനും മറ്റും അപേക്ഷിച്ച നിരവധി പേരാണ് ബുദ്ധിമുട്ടിലാകുന്നത്. ബാങ്കിൽ കൊടുക്കുന്നതിനും, വായ്പയെടുക്കുന്നതിനും മറ്റ് ആവശ്യങ്ങൾക്കുമായി അക്ഷയ കേന്ദ്രത്തിലൂടെയും, ആധാരം എഴുത്തുകാർ മുഖേന ഓൺലൈനിലൂടെയുമാണ് കുടിക്കടത്തിന് അപേക്ഷിക്കുന്നത്.