തൃശൂർ: ജില്ലയിൽ 300 പേർക്ക് കൂടി കൊവിഡ് സ്ഥിരീകരിച്ചു. 83 പേർ രോഗമുക്തരായി. ചികിത്സയിൽ കഴിയുന്നവരുടെ എണ്ണം 1912 ആണ്. തൃശൂർ സ്വദേശികളായ 30 പേർ മറ്റു ജില്ലകളിൽ ചികിത്സയിലുണ്ട്. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 6235ഉം രോഗമുക്തരായവർ 4265ഉം ആണ്. ഇന്നലെ സമ്പർക്കം വഴി 291 പേർക്കാണ് രോഗബാധയുണ്ടായത്. ഇതിൽ 3 പേരുടെ രോഗഉറവിടം അറിയില്ല.

ക്ലസ്റ്ററുകളിലെ രോഗബാധ

കെ.ഇ.പി.എ- 26,

എലൈറ്റ്- 4 (3 ആരോഗ്യപ്രവർത്തകർ ഉൾപ്പെടെ),

ദയ- 1 (ആരോഗ്യപ്രവർത്തകർ), ജൂബിലി ക്ലസ്റ്റർ 1 (ആരോഗ്യ പ്രവർത്തകർ),

ആർ.ആർ. മെഡിക്കൽ- 1,

സ്പിന്നിംഗ് മിൽ- 1,

മറ്റ് സമ്പർക്ക കേസുകൾ- 238,

ആരോഗ്യ പ്രവർത്തകർ- 13,

ഫ്രണ്ട് ലൈൻ വർക്കർ- 3.

മറ്റ് സംസ്ഥാനങ്ങളിൽ നിന്ന് വന്ന 6 പേർക്കും വിദേശത്തുനിന്ന് വന്ന മൂന്ന് പേർക്കും കൊവിഡ് സ്ഥിരീകരിച്ചു. 11099 പേർ വീടുകളിൽ നിരീക്ഷണത്തിലാണ്. 181 പേരെയാണ് ഇന്നലെ ആശുപത്രിയിൽ പ്രവേശിപ്പിച്ചത്. 1865 പേർക്ക് ആന്റിജൻ പരിശോധന നടത്തി.