വെള്ളാങ്ങല്ലുർ: വേളൂക്കര പഞ്ചായത്തിൽ കാർഷിക സേവനങ്ങൾ ലഭ്യമാക്കുന്നതിന് കൊറ്റനെല്ലൂർ പഞ്ചായത്ത് ഷോപ്പിംഗ് കോപ്ലക്‌സിൽ കൃഷിഭവൻ സബ് സെന്റർ പ്രവർത്തനം ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡന്റ് കെ.ടി. പീറ്റർ അദ്ധ്യക്ഷത വഹിച്ച യോഗത്തിൽ പഞ്ചായത്ത് പ്രസിഡന്റ് ഉജിത സുരേഷ് ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ സുരേഷ്, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്‌സൺ ജയശ്രീ അനിൽകുമാർ, മുൻപ്രസിഡന്റ് ഇന്ദിര തിലകൻ, മെമ്പർമാർ, സെക്രട്ടറി കെ.വി. സജീവ്കുമാർ, അസിസ്റ്റന്റ് കൃഷി ഓഫീസർ എം.കെ. ഉണ്ണി തുടങ്ങിയവർ പങ്കെടുത്തു.