റിയാലിറ്റി ഷോയിലൂടെ മലയാള സിനിമയിലേക്ക് ചുവടുവച്ച താരമാണ് സാനിയ ഇയ്യപ്പൻ. ബാലതാരമായി തിളങ്ങിയ നടി പിന്നീട് ക്വീൻ എന്ന ചിത്രത്തിലൂടെയാണ് നായികയായി അരങ്ങേറ്റം കുറിച്ചത്. സോഷ്യൽ മീഡിയയിൽ സജീവമായ സാനിയയുടെ ഫോട്ടോഷൂട്ടുകൾക്ക് വലിയ വിമർശനം നേരിടേണ്ടി വന്നിട്ടുണ്ട്. അമിതമായ ശരീരപ്രദർശനം എന്നാണ് ട്രോളന്മാരും വിമർശകരും പറയുന്നത്. എന്നാൽ ഇക്കുറി അങ്ങനെയല്ല സാനിയ ഇയ്യപ്പൻ എത്തിയത്. ആരാധകർക്കായി താരം തന്റെ കിടിലൻ ഓണക്കാല ഫോട്ടോഷൂട്ട് ചിത്രങ്ങൾ സോഷ്യൽ മീഡിയയിലൂടെ പങ്കുവച്ചിരിക്കുകയാണ്. സാനിയ പങ്കുവച്ചിരിക്കുന്ന പുതിയ ചിത്രങ്ങൾ കൈയ്യടി നേടുകയാണ്. അതിമനോഹരമായ വസ്ത്രത്തിൽ അതിസുന്ദരിയായിട്ടാണ് സാനിയ എത്തിയിരിക്കുന്നത്. ചിത്രങ്ങൾ ആരാധകർ ഏറ്റെടുത്തിരിക്കുകയാണ്. പച്ച ബ്ലൗസും ഓറഞ്ച് നിറത്തിലുള്ള പാവാടയുമാണ് സാനിയ ധരിച്ചിരിക്കുന്നത്. യാമിയാണ് ചിത്രങ്ങൾ പകർത്തിയിരിക്കുന്നത്. ചിത്രങ്ങൾക്ക് കമന്റുമായി താരങ്ങളുമെത്തിയിട്ടുണ്ട്. അന്ന ബെൻ, നിഖില വിമൽ, പ്രാർത്ഥന ഇന്ദ്രജിത്ത് തുടങ്ങിയവർ കമന്റ് ചെയ്തിട്ടുണ്ട്.