കുഴിത്തുറ: കന്യാകുമാരി പുത്തൻചന്തയ്ക്കടുത്ത് ഇടയ്ക്കോട്ട് ചീട്ടുകളിയിലെ തർക്കത്തെ തുടർന്ന് 60 കാരനെ കല്ലുകൊണ്ട് തലയ്ക്കിടിച്ചു കൊലപ്പെടുത്തിയ സംഭവത്തിൽ ഒന്നാം പ്രതി ഇടയ്‌ക്കോട് മുള്ളുവിള സ്വദേശി ജയപ്രകാശിനെ(40) പൊലീസ് അറസ്റ്റ് ചെയ്തു. സെൽവനാടാരുടെ മകൻ സുചീന്ദ്രനാണ് കൊല്ലപ്പെട്ടത്. രണ്ടാം പ്രതി മെർലിൻ ജോസ് (40) ഒളിവിലാണ്. ജയപ്രകാശ് സ്വന്തം പിതാവിനെ കൊലപ്പെടുത്തിയതടക്കം മൂന്ന് കൊലക്കേസുകളിലെ പ്രതിയാണ്. തിങ്കളാഴ്ച വൈകിട്ട് 4 മണിക്കായിരുന്നു കൊലപാതകം.