മുടപുരം:അടൂർ പ്രകാശ് എം.പിക്കെതിരെ രാഷ്ട്രീയ വൈരം തീർക്കാൻ അനാവശ്യ ആരോപണങ്ങൾ ഉന്നയിക്കുന്നുവെന്നാരോപിച്ച് കോൺഗ്രസ് കൂന്തള്ളൂർ മണ്ഡലം കമ്മിറ്റിയുടെ നേതൃത്വത്തിൽ പുളിമൂട് ജംഗ്ഷനിൽ പ്രതിഷേധ കൂട്ടായ്മ സംഘടിപ്പിച്ചു.കൂന്തള്ളൂർ മണ്ഡലം കോൺഗ്രസ് കമ്മിറ്റി പ്രസിഡന്റ് കിഴുവിലം ബിജുവിന്റ അദ്ധ്യക്ഷതയിൽ ചിറയിൻകീഴ് ബ്ലോക്ക് കോൺഗ്രസ് കമ്മിറ്റി പ്രസിഡന്റ് എൻ.വിശ്വനാഥൻ നായർ ഉദ്ഘാടനം ചെയ്തു. ജി.എസ്.ടി.യു മുൻ സംസ്ഥാന പ്രസിഡന്റ് ജെ.ശശി,കിഴുവിലം മണ്ഡലം കോൺഗ്രസ് കമ്മിറ്റി പ്രസിഡന്റ് കിഴുവിലം രാധാകൃഷ്ണൻ, കിഴുവിലം ഗ്രാമപഞ്ചായത്ത് പ്രസിഡന്റ് എ.അൻസാർ, ഡി.സി.സി മെമ്പർ വി. ബാബു,ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് ഷൈലജ സത്യദേവൻ, ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി കുഞ്ഞുശങ്കരൻ, മണ്ഡലം കോൺഗ്രസ് കമ്മിറ്റി മുൻ അദ്ധ്യക്ഷൻ എസ്.സിദ്ദിഖ്, മൈനോറിറ്റി കോൺഗ്രസ് ബ്ലോക്ക് പ്രസിഡന്റ് പി.എ.റഹീം, മഹിളാ കോൺഗ്രസ് മണ്ഡലം പ്രസിഡന്റ് ജയന്തി കൃഷ്ണ,ജനശ്രീ മണ്ഡലം പ്രസിഡന്റ് സതി കുഞ്ഞു ശങ്കരൻ, യൂത്ത് കോൺഗ്രസ് മണ്ഡലം പ്രസിഡന്റ് ഷമീർ, ജവഹർ ബാല വേദി മണ്ഡലം പ്രസിഡന്റ് ഷിയാസ്, പഞ്ചായത്ത് മെമ്പർമാരായ സൈന,സുജ കോൺഗ്രസ് നേതാക്കളായ പനയാത്ര ഷെരീഫ്, ഹാഷിം,സുദേവൻ,സാദിക്ക്,നിസാർ,സജീവ്,അനിൽ, മുരുകൻ, പ്രകാശൻ,നവാസ്,ഗോപൻ, മോഹൻലാൽ,സത്യദേവൻ, ശങ്കരൻ തുടങ്ങിയവർ പങ്കെടുത്തു.