തിരുവനന്തപുരം: സംസ്ഥാനത്ത് കഴിഞ്ഞ ദിവസം മുതൽ പെയ്ത മഴയ്ക്ക് താത്കാലിക ശമനം.
അറബിക്കടലിൽ രൂപപ്പെട്ട ന്യൂനമർദ്ദം കേരളതീരം വിട്ടതോടെ കേരളത്തിൽ മഴയുടെ ശക്തി വരും ദിവസങ്ങളിൽ കുറയുമെന്നാണ് വിലയിരുത്തുന്നത്. എന്നിരുന്നാലും തെക്കൻ ജില്ലകളിൽ ഇടവിട്ട ദിവസങ്ങളിൽ ശക്തമായ മഴയ്ക്ക് സാദ്ധ്യതയുണ്ട്. ഇന്ന് തിരുവനന്തപുരം,കൊല്ലം,ആലപ്പുഴ,മലപ്പുറം എന്നീ ജില്ലകളിൽ ഓറഞ്ച് അലർട്ടും പത്തനംതിട്ട,കോട്ടയം,എറണാകുളം,ഇടുക്കി,തൃശൂർ,കോഴിക്കോട്,വയനാട് ,കണ്ണൂർ എന്നിവിടങ്ങളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. എന്നാൽ വരും ദിവസങ്ങളിൽ ന്യൂനമർദ്ദ സാദ്ധ്യതയുള്ളതായും ഇത് ശക്തി പ്രാപിക്കുമെന്നും അടുത്ത ആഴ്ച്ച മുതൽ കൂടുതൽ മഴ പ്രതീക്ഷിക്കാമെന്നും കാലാവസ്ഥ നിരീക്ഷകർ പറയുന്നു.