കല്ലമ്പലം: കരവാരം കാരായിക്കോണത്ത് കഴിഞ്ഞദിവസം ആത്മഹത്യ ചെയ്ത അരുവിയിൽ പ്രസന്നന് (52) കൊവിഡ് നെഗറ്റീവ്.ആലപ്പുഴ വൈറോളജി ഇൻസ്റ്റിറ്റ്യൂട്ടിൽ നടത്തിയ പരിശോധനാ ഫലം നെഗറ്റീവാണെന്ന് അഡ്വ.ബി.സത്യൻ എം.എൽ.എ അറിയിച്ചു. നെഗറ്റീവായതിനാൽ , മൃതദേഹം കൊവിഡ് പ്രോട്ടോകോൾ പ്രകാരം സംസ്കരിക്കേണ്ടതില്ലെന്നും ബന്ധുക്കൾക്ക് വിട്ടുകൊടുക്കാനുള്ള നടപടികൾ പൂർത്തിയാക്കാൻ നിർദ്ദേശം നൽകിയിട്ടുണ്ടെന്നും എം.എൽ.എ പറഞ്ഞു.

പ്രസന്നന്റെ മൃതദേഹം, മാനദണ്ഡങ്ങൾ പാലിച്ച് നഗരൂർ പൊലീസും, ഡി.വൈ.എഫ്.ഐ കരവാരം യൂത്ത് ബ്രിഗേഡർ പ്രവർത്തകരും ചേർന്ന് ഇൻക്വസ്റ്റ് നടപടികൾ പൂർത്തിയാക്കി നേരത്തേ മെഡിക്കൽ കോളേജ് ആശുപത്രിയിലേക്ക് മാറ്റിയിരുന്നു. തുടർന്ന് നടത്തിയ കൊവിഡ് പ്രാഥമിക പരിശോധനയിൽ പോസിറ്റീവായിരുന്നു.തുടർന്നാണ് വൈറോളജി ഇൻസ്റ്റിറ്റ്യൂട്ടിന് വിട്ടത്.