തിരുവനന്തപുരം: കരമന ബോയ്സ് ഹയർസെക്കൻഡറി സ്‌കൂളിൽ നിർമ്മാണം പൂർത്തീകരിച്ച ഹൈടെക് ക്ലാസ് മുറികളുടെ ഉദ്ഘാടനം മേയർ കെ. ശ്രീകുമാർ നിർവഹിച്ചു. നഗരസഭ വാർഷിക പദ്ധതിയിൽ ഉൾപ്പെടുത്തി 15 ലക്ഷം രൂപ ചെലവിട്ടായിരുന്നു ഹൈടെക് ക്ലാസുകൾ നിർമ്മിച്ചത്. ക്ലാസ് മുറികളിലേക്കുള്ള ഡെസ്‌ക്കുകൾ മേയർ കെ. ശ്രീകുമാറും ഒ. രാജഗോപാൽ എം.എൽ.എയും ചേർന്ന് സ്‌കൂൾ അധികൃതർക്ക് കൈമാറി. നഗരസഭ മരാമത്ത് കാര്യ സ്ഥിരം സമിതി അദ്ധ്യക്ഷ എസ്. പുഷ്‌പലത, വാർഡ് കൗൺസിലർ കരമന അജിത്, പ്രിൻസിപ്പൽ ഷീജ കെ.ആർ, ഹെഡ്മിസ്ട്രസ് വത്സലകുമാരി എന്നിവർ പങ്കെടുത്തു.