ആറ്റിങ്ങൽ: അടഞ്ഞു കിടക്കുന്ന ആറ്റിങ്ങൽ കച്ചേരി ജംഗ്ഷനിലെ എസ് ആർ തീയറ്ററിൽ തീയും പുകയും ഉയർന്നത് പരിഭ്രാന്തി പരത്തി. ചൊവ്വാഴ്ച രാത്രി 9 മണിയോടെയാണ് അഗ്നിബാധയുണ്ടായത്. നാട്ടുകാർ ഉടൻ തന്നെ ഫയർ ഫോഴ്സിനെ വിവരമറിയിച്ചു അവർ എത്തി തീ കെടുത്തിയതിനാൽ ദുരന്തം ഒഴിവായി. തിയേറ്ററിന് സമീപത്ത് ആശുപത്രി,​ ഷോപ്പിംഗ് മാൾ ഉൾപ്പെടെയുള്ള സ്ഥാപനങ്ങൾ പ്രവർത്തിക്കുന്നുണ്ട്. ഇവയിലേയ്ക്ക് തീ പടരാതെ ഫയർഫോഴ്സ് അണയ്ക്കുകയായിരുന്നു. എങ്ങനെയാണ് തീ പടർന്നതെന്ന് വ്യക്തമല്ല.