മുടപുരം :മംഗലപുരം ഗ്രാമ പഞ്ചായത്ത്‌ സ്ഥാപിച്ച സൗരോർജ പവർ പ്ലാന്റ് ഗ്രാമ പഞ്ചായത്ത്‌ പ്രസിഡന്റ് വേങ്ങോട് മധു ഉദ്‌ഘാടനം നിർവഹിച്ചു. സ്ട്രീറ്റ് ലൈറ്റ് വിളക്കുകൾ 'നിലാവ്' പദ്ധതിയിലൂടെ എൽ.ഇ.ഡി വിളക്കുകളായി മാറുമെന്ന് പ്രസിഡന്റ് പറഞ്ഞു. വൈസ് പ്രസിഡന്റ് സുമ ഇടവിളാകം,വികസന ചെയർമാൻ മംഗലപുരം ഷാഫി, ക്ഷേമകാര്യ ചെയർപേഴ്‌സൺ എസ്. ജയ, ആരോഗ്യകാര്യ ചെയർമാൻ വേണുഗോപാലൻ നായർ, മെമ്പർമാരായ വി. അജികുമാർ, എം.ഷാനവാസ്‌, എം.എസ്. ഉദയകുമാരി, സെക്രട്ടറി ജി. എൻ. ഹരികുമാർ, അസിസ്റ്റന്റ് സെക്രട്ടറി എസ്. സുഹാസ് ലാൽ,പ്ലാൻ കോഡിനേറ്റർ എസ്. ശ്യാം എന്നിവർ പങ്കെടുത്തു.
ഗ്രാമ പഞ്ചായത്ത്‌ സൗരോർജ പവർ പ്ലാന്റ് സ്ഥാപിച്ചതോടെ സംസ്ഥാനത്ത് വരുമാനം നേടുന്ന ഗ്രാമ പഞ്ചായത്തായി മാറി. 10 കിലോവാൾട്ട് ശേഷിയുള്ള പ്ലാന്റാണ് നിർമ്മിച്ചത്.